គ្រូ Liverpool ចង់បានខ្សែបម្រើ Orkun Kökçü ពី Benfica នៅទីផ្សារខែមករា

Premier League
October 14th, 2024 (1 year)
489 Views
Share

មានការរាយការណ៍មកថា គ្រូបង្វឹក លោក Arne Slot កំពុងជម្រុញអោយ Liverpool ចុះហត្ថលេខានាំយកខ្សែបម្រើ Orkun Kökçü របស់ក្លិបព័រទុយហ្គាល់ Benfica នៅពេលទីផ្សារដោះដូរកីឡាករនិងបើកជាលើកទី២នៅខែមករាខាងមុខ។

កីឡាករ វ័យ២៣ឆ្នាំ បានលេងក្រោមការដឹកនាំរបស់លោក Slot នៅក្លិបលីគកំពូលហូឡង់ Feyenoord ចាប់ពីឆ្នាំ ២០១៨-២៣ មុនពេលរូបគផ្លាស់ទៅចូលរួមក្លិប Benfica។ កីឡាករ Orkun Kökçü បានកសាងកេរ្ត៍ឈ្មោះ និង សមត្ថភាពរបស់ខ្លួន យ៉ាងគួរអោយចាប់អារម្មណ៍និងបានក្លាយជាកីឡាករដ៏សំខាន់មួយរូបរបស់លោក Arne Slot កាលពីការប្រកួតប្រជែងនៅក្របខណ្ឌ Eredivisie។

ឥឡូវនេះ លោក Arne Slot ចង់បានកីឡាករសញ្ជាតិទួរគីដើមកំណើតហូឡង់ មករួមការងារជាមួយខ្លួនសាជាថ្មី និងចង់អោយរូបគេក្លាយជាចំណែកជួយក្រុមបន្ថែមទៀត ក្រោយការចាប់ផ្តើមដ៏ល្អសម្រាប់រដូវកាលដំបូងនៅក្នុងការប្រកួតក្របខណ្ឌ Premier League។

មែនទែនទៅ Orkun Kökçü គឺជាគោលដៅផ្ទេររបស់ Liverpool ជាយូរមកហើយ តាំងពីមុនពេលរូបគេផ្លាស់ទៅកាន់ Benfica និងមុនពេលដែលលោក Arne Slot មកកាន់តំណែងទៅទៀត ប៉ុន្តែមិនបានឈានដល់ការសម្រេចនាំយករូបគេមកចូលរួមនោះទេ។

ក្នុងការបង្ហាញខ្លួន៩លើកគ្រប់ការប្រកួត នៅរដូវកាលនេះ Kökçü រកបានគ្រាប់បាល់៤គ្រាប់ និងបញ្ជូនបាល់អោយមិត្តរួមក្រុមបញ្ចប់ទី៣លើក។ ចំណែកឯ Liverpool រកបានជ័យជំនះ ៦ ប្រកួតក្នុងចំណោម ៧ ប្រកួតដំបូងក្នុងក្របខណ្ឌ Premier League។

ទោះបីជាមិនទាន់បានចាយលុយច្រើនសន្ធឹកសន្ធាប់ ក្នុងទីផ្សារដោះដូរកីឡាករកាលពីរដូវក្តៅក៏ដោយ ក៏ Liverpool ក្រោមការដឹកនាំរបស់គ្រូបង្វឹកថ្មី ដែលបានបន្តតំណែងពីលោក Jurgen Klopp គឺលោក Arne Slot បានធ្វើអោយគ្រប់គ្នាភ្ញាក់ផ្អើលជាមួយនឹងទម្រង់លេងល្អនៅរដូវកាលនេះ។

យ៉ាងណា ក្នុងចំណោមកីឡាករដែលបានចុះហត្ថលេខានៅរដូវក្តៅចំនួន ២រូប ដែលមានខ្សែបម្រើអ៊ីតាលី Federico Chiesa និងអ្នកចាំទីសញ្ជាតិហ្ស៊កហ្ស៊ី Giorgi Mamardashvili គឺ Chiesa និងអាចចូលលេងមួយក្លិបភ្លាមៗ ប៉ុន្តែសម្រាប់ Mamardashvili ត្រូវបន្តលេងក្នុងលក្ខខណ្ឌខ្ចីជើងនៅ Valencia ដែលជាក្លិបដើមរបស់គេនៅឡើយ៕

អត្ថបទទាក់ទង