Tottenham Hotspur បន្តតាមដានខ្សែការពារ Andrei Ratiu របស់ Rayo Vallecano

Premier League
November 8th, 2024 (8 months)
425 Views
Share

ក្លិប Tottenham Hotspur កំពុងបន្តតាមដានយ៉ាងយកចិត្តទុកដាក់ទៅលើខ្សែការពារ Andrei Ratiu របស់ក្លិប Rayo Vallecano នៅមុនទីផ្សារដោះដូរកីឡាករឆ្នាំ ២០២៥ ដោយរូបគេអាចនឹងកា្លយជាអ្នកមកជំនួសខ្សែការពារ Pedro Porro ។

Pedro Porro បានទទួលការចាប់អារម្មណ៍ចាប់តាំងពីចូលរួមជាមួយ Tottenham Hotspur កាលពីរដូវក្តៅមុនដោយផ្លាស់មកពីក្លិប Sporting CP ហើយរូបគេគឺជាកីឡាករសំខាន់មួយរូបក្នុងក្រុមរបស់គ្រូបង្វឹកលោក Ange Postecoglou នៅកីឡដ្ឋាន Tottenham Hotspur Stadium។ កីឡាករអេស្ប៉ាញ បានបង្ហាញខ្លួនចំនួន ៦៥ ដងសម្រាប់ដោយស៊ុតបញ្ចូលទីបាន ៨ គ្រាប់ និង ចែកបាល់សម្រេចទីចំនួន១០ដង។

គុណផលរបស់កីឡាករវ័យ ២៥ ឆ្នាំ បានទាក់ទាញចំណាប់អារម្មណ៍របស់ក្លិប Real Madrid ដែលកំពុងសម្លឹងរកមើលទិញខ្សែការពារស្តាំថ្មី បន្ទាប់ពីរបួសរយៈពេលវែងរបស់ Dani Carvajal ។ ខ្សែការពារ Trent Alexander-Arnold របស់ Liverpool គឺជាគោលដៅចម្បងមួយរូបរបស់ក្លិបម្ចាស់ជើងឯក La Liga ដែរ ប៉ុន្តែប្រសិនបើកីឡាករអង់គ្លេសសម្រេចចិត្តបន្តនៅជាមួយក្លិបហង្សក្រហម នោះ Pedro Porro គឺជាជម្រើសបន្ទាប់សម្រាប់ Real Madrid ។ ចំពោះ Tottenham Hotspur ក៏បានដឹងពីពត៌មាននេះ ហើយបានត្រៀមរួចជាស្រេចចំពោះការចាកចេញរបស់កីឡាករដ៏មានសក្តានុពលរបស់ពួកគេ ដោយការសម្លឹងរកមើលកីឡាករមានទេព្យកោសល្យថ្មី។

ប្រភពពីសារពត៌មាន Caught Offside អោយដឹងថា ក្លិបមាន់ខ្នាយមាស កំពុងតាមដានខ្សែការពារ Andrei Ratiu របស់ក្លិបអេស្ប៉ាញ Rayo Vallecano ហើយអាចធ្វើការផ្លាស់ប្តូរនៅពេលខាងមុខ។ Andrei Ratiu ទទួលបានការចាប់អារម្មណ៍ ដោយសាររូបគេគឺជាផ្នែកមួយដ៏សំខាន់នៃភាពជោគជ័យរបស់ក្រុមបាល់ទាត់ជម្រើសជាតិរូម៉ានីនៅព្រឹត្តិការណ៍ UEFA Euro 2024 នៅពេលដែលពួកគេ ឈានដល់វគ្គ១៦ក្រុម ក្នុងការប្រកួតដែលធ្វើឡើងនៅប្រទេសអាល្លឺម៉ង់។

ទម្រង់លេងរបស់កីឡាករវ័យ២៦ឆ្នាំមិនត្រឹមតែល្អជាមួយក្រុមជម្រើសជាតិទេ ប៉ុន្តែវាក៏បន្តដល់ការលេងជាមួយ Rayo Vallecano ដែរ ដែលធ្វើអោយរូបគេស្ថិតក្នុងរ៉ាដារបស់ក្លិបជាច្រើនដោយមិនត្រឹមតែ Tottenham Hotspur ប៉ុណ្ណោះទេ ប៉ុន្តែក៏មានក្លិប Atletico Madrid និង Bayer Leverkusen ផងដែរ។

សម្រាប់សាមីកីឡាករ Andrei Ratiu បានត្រៀមខ្លួនក្នុងការចាកចេញពី Rayo Vallecano រួចហើយ ដូចនេះ វាអាចមានភាពងាយស្រួលច្រើនសម្រាប់ការចរចារបស់ Tottenham Hotspur។ រូបគេអាចនឹងជំនួស Pedro Porro ឬក៏អាចផ្តល់អោយលោក Postecoglou ជាមួយនឹងជម្រើសដ៏ល្អមួយសម្រាប់ប្រព័ន្ធការពាររបស់ក្រុម៕

អត្ថបទទាក់ទង