Man City រៀបចំការប្រកួតបង្កើតឈុតឯកសណ្ឋានកីឡាករដោយប្រើប្រាស់ AI

Premier League
December 12th, 2024 (1 month)
233 Views
Share

ក្លិប Man City កំពុងរៀបចំការប្រកួតមួយ ដោយអោយអ្នកគាំទ្ររបស់ខ្លួន រចនាឯកសណ្ឋាន ប្រកួតផ្លូវការ ដោយប្រើប្រាស់បច្ចេកវិទ្យាបញ្ញាសប្បនិម្មិត AI។

ក្លិបរហស្សនាមមេឃខៀវ បានសហការជាមួយក្រុមហ៊ុន Puma ដើម្បីបើកដំណើរការប្រព័ន្ធ AI រចនាឯកសណ្ឋានរបស់កីឡាករ ដែលដំណើរការដោយក្រុមហ៊ុន AI Deep Objects ។

Man City បានអោយដឹងថា ដើម្បីប្រើប្រាស់ប្រព័ន្ធនេះ អ្នកចូលរួមនឹងត្រូវបង្កើតគណនីមួយ ហើយបញ្ចូលពត៌មាននានាពណ៌នាអំពីរូបភាពឯកសណ្ឋានដែលអ្នកចង់បង្កើត។ បន្ទាប់មក ត្រូវជ្រើសរើសរចនាបទដែលប្រព័ន្ធ AI នឹងប្រើនៅពេលបង្កើតការរចនាឯកសណ្ឋាន។

ឈុតដែលបង្កើតបាននឹងដាក់អោយ អ្នកគាំទ្រដទៃទៀត រួមជាមួយអ្នកជំនាញរបស់ក្លិប Man City និង អ្នកជំនាញរបស់ក្រុមហ៊ុន Puma ធ្វើការបោះឆ្នោត ជ្រើសរើសឈុតដែលល្អជាងគេ។

ឈុតឯកសណ្ឋានដែលបានរចនាស្អាតជាងគេ នឹងឈ្នះក្នុងការប្រកួតនេះ ហើយក្លិប Man City នឹងប្រើប្រាស់ឯកសណ្ឋាននោះជាផ្លូវការ នៅរដូវកាល ២០២៦- ២០២៧ ជាឈុតទី៣ ហើយក៏នឹងដាក់លក់សម្រាប់អ្នកគាំទ្រផងដែរ។

Man City បាននិយាយថា កីឡាកររបស់ខ្លួនដែលមានដូចជា Ederson, Stefan Ortega និង Rico Lewis បានប្រើប្រាស់ Puma AI Creator ដើម្បីរចនាឯកសណ្ឋានអ្នកចាំទី ហើយបានក្លាយជាឯកសណ្ឋាន រចនាម៉ូតដោយ AI ដំបូងគេ ត្រូវបានពាក់ដោយកីឡាករ ចូលរួមប្រកួតនៅលើទីលាន៕

អត្ថបទទាក់ទង