ខ្សែការពារ Sergio Reguilon របស់ Tottenham Hotspur ក្លាយជាគោលដៅក្លិបចំនួន៣នៅអេស្ប៉ាញ

Premier League
December 31st, 2024 (7 months)
459 Views
Share

ខ្សែការពារ Sergio Reguilon ត្រូវបានផ្សារភ្ជាប់ជាមួយនឹងការចាកចេញពីក្លិប Tottenham Hotspur នៅក្នុងទីផ្សារដោះដូរកីឡាករខែមករានេះ។

កិច្ចសន្យា របស់កីឡាករវ័យ២៨ឆ្នាំ ជាមួយ Tottenham Hotspur នៅសល់តែរយៈពេល៦ខែទៀតប៉ុណ្ណោះ ហើយរូបគេនឹងមានសិទ្ធក្នុងការចរចាកិច្ចព្រមព្រៀងជាមួយក្លិបដទៃ ក្នុងនាមជាកីឡាករឥតតម្លៃខ្លួន។

ក្លិបជាច្រើនកំពុងតាមដានស្ថានភាពរបស់ Reguilon ដោយក្នុងនោះក្លិប Sevilla, Real Valladolidនិង Getafe ត្រូវបានរាយការណ៍ថា បានត្រៀមខ្លួនរួចរាល់ដើម្បីប្រជែងចរចាយករូបគេ ប៉ុន្តែ Sevilla ហាក់ដូចជាមានប្រៀបជាងដោយក្លិបនេះធ្លាប់ជាទីដែល Reguilon លេងជាកីឡាករខ្ចីជើងដ៏ជោគជ័យក្នុងរដូវកាល ២០១៩-២០ ។

សម្រាប់សាមីកីឡាករ ក៏កំពុងស្វែងរកការចាកចេញពី Tottenham Hotspur ដ្បិតអីរូបគេមិនទទួលបានឱកាសនៅក្នុងការលេងនោះឡើយ។ Reguilon បានចាកចេញពី Real Madrid ចូលរួមជាមួយ Tottenham Hotspur ក្នុងខែកញ្ញាឆ្នាំ ២០២០ លើកិច្ចព្រមព្រៀងរយៈពេល ៥ ឆ្នាំដែលមានតម្លៃ ២៧,៥ លានផោន។ ទោះជាយ៉ាងណា ពេលវេលារបស់គេជាមួយ Tottenham Hotspur មិនសមប្រកទេ ដែលនាំអោយមានការខ្ចីជើងជាច្រើនដងទៅកាន់ Atlético Madrid, Manchester United និង Brentford ផងដែរ។

ទីផ្សារដោះដូចកីឡាករខែមករានឹងផ្តល់ឱកាសអោយ Sergio Reguilon ចាប់ផ្តើមអាជីពរបស់គេឡើងវិញនិងស្វែងរកពេលវេលាលេងជាទៀងទាត់ ហើយការលក់រូបគេក៏អនុញ្ញាតអោយ Tottenham Hotspur ផ្លាស់ប្តូរការផ្តោតអារម្មណ៍របស់ពួកគេទៅកាន់កីឡាករដទៃកាន់តែប្រសើរឡើងជាមួយនឹងចក្ខុវិស័យយុទ្ធសាស្ត្ររបស់គ្រូបង្វឹកលោក Ange Postecoglou ។

ប្រសិនបើ Sergio Reguilon ត្រូវចាកចេញ Tottenham Hotspur ប្រហែលជាត្រូវចុះហត្ថលេខានាំយកកីឡាករបន្ថែមដើម្បីពង្រឹងក្រុមឡើងវិញ ដោយសារបច្ចុប្បន្ន ក្លិបកំពុងជួបវិបត្តិកីឡាករច្រើនរូបរងរបួស៕

អត្ថបទទាក់ទង