ខ្សែបម្រើ Phil Foden ថា ខ្លួនមានមោទកភាពក្នុងការពាក់អាវលេខ៤៧នៅ Man City

Premier League
January 2nd, 2025 (1 year)
647 Views
Share

ខ្សែបម្រើ Phil Foden កំពុងប្រកបអាជីពជាមួយក្លិប Man City ដោយនៅតែបន្តពាក់អាវលេខ៤៧ ទោះបីទទួលបានទទួលឱកាសផ្លាស់ប្ដូរលេខថ្មី តែរូបគេនៅតែមិនព្រមប្តូរ។

កីឡាករវ័យ២៤ឆ្នាំ បានឈ្នះពានរង្វាន់កីឡាករឆ្នើមប្រចាំឆ្នាំរបស់ PFA កាលពីរដូវកាលមុន ធ្លាប់បានផ្ដល់ឱកាសអោយពាក់លេខអាវ១០ មុនការមកដល់របស់ខ្សែបម្រើ Jack Grealish ជាម្ចាស់អាវលេខ១០នាពេលបច្ចុប្បន្នក្រោយផ្លាស់មកពីក្លិប Aston Villa នៅរដូវក្តៅឆ្នាំ២០២១។

លេខ៤៧ជាលេខអាវដំបូងបំផុតរបស់ Phil Foden ពាក់លេងនៅក្លិប Man City។ រូបគេបានពាក់អាវលេខ៤៧លើកដំបូងការប្រកួតជាមួយ Citizens ក្នុងឆ្នាំ២០១៧។ ហេតុផលគួរអោយរំជួលចិត្តខ្លាំង ធ្វើអោយ Phil Foden កាន់តែស្រឡាញ់លេខអាវ៤៧ គឺដោយសារជីតារបស់គេឈ្មោះ Ronnie បានទទួលមរណភាពនៅពេលលោកមានអាយុ៤៧ឆ្នាំ។ កីឡាករអន្តរជាតិអង់គ្លេសរូបនេះបានប្រើប្រាស់លេខអាវនេះដើម្បីជាការគោរពចំពោះជីតារបស់ខ្លួន។

Foden ក៏មានស្នាមសាក់លេខ៤៧ នៅខាងក្រោយត្រចៀកខាងស្តាំរបស់ខ្លួនថែមទៀត ដើម្បីបង្ហាញពីក្ដីស្រឡាញ់និងការគោរពដល់ជីតា។ Phil Foden ទទួលបានឱកាសផ្លាស់ប្តូរលេខអាវ នៅពេលខ្សែប្រយុទ្ធ Sergio Aguero បានចាកចេញពីក្លិប Man City នៅក្នុងឆ្នាំ២០២១ ប៉ុន្តែបានសម្រេចចិត្តមិនទទួលយកលេខថ្មីទេ៕

អត្ថបទទាក់ទង