ខ្សែប្រយុទ្ធ Marcus Rashford បដិសេធសំណើចំនួន៣ពីក្លិបនៅអារ៉ាប៊ីសាអូឌីត

Premier League
January 3rd, 2025 (6 months)
418 Views
Share

ខណៈដែលកំពុងមានអនាគតមិនច្បាស់លាស់ជាមួយ Man UTD ទៅហើយនោះ ខ្សែប្រយុទ្ធ Marcus Rashford បានបដិសេធសំណើធំៗចំនួន៣ពីក្លិបនៅអារ៉ាប៊ីសាអូឌីត ដែលអាចធ្វើអោយរូបគេមានតម្លៃប្រាក់ឈ្នួលដល់ទៅ ៣៥លានផោន ក្នុងមួយឆ្នាំឯណោះ។

Marcus Rashford បានស្ថិតក្នុងបញ្ជីនៃការផ្ទេរចេញរបស់ Man UTD នៅក្នុងទីផ្សារដោះដូរកីឡាករនៅខែមករា ក្រោយពីរូបគេហាក់មិនស្ថិតក្នុងគម្រោងរបស់គ្រូបង្វឹកលោក Ruben Amorim។

មានការរាយការណ៍អោយដឹងថា កីឡាករវ័យ ២៧ឆ្នាំ ត្រូវបានទទួលការចាប់អារម្មណ៍ពីក្លិបដែលមិនត្រូវបានបញ្ចេញឈ្មោះនៅ អារ៉ាប៊ីសាអូឌីត ហើយពួកគេចង់ផ្តល់ទឹកប្រាក់ដែលមានភាពលើសលុបពីថ្លៃឈ្នួលដែលគេទទួលបាន ៣១ម៉ឺនផោនក្នុង១សប្តាហ៍ ពី Man UTD។

ទោះយ៉ាងណា Marcus Rashford បានបដិសេធការផ្តល់ជូនទឹកប្រាក់ចំនួនមហាសាលពី ក្លិបនៅក្របខណ្ឌ Saudi Pro League នោះ ព្រោះគេមានបំណងចង់បន្តលេងនៅទឹកដី Old Trafford និងបង្កើនការប្រកួតប្រជែងរបស់ខ្លួនឡើងវិញ ដើម្បីរក្សាឱកាសនិងកន្លែងមួយនៅក្នុងក្រុមជម្រើសជាតិអង់គ្លេស។

Marcus Rashford បានបង្ហាញខ្លួនអោយក្រុមជម្រើសជាតិអង់គ្លេសគម្រប់ ៦០ ដង កាលពីការប្រកួតមិត្តភាពជាមួយក្រុមជម្រើសជាតិប្រេស៊ីល កាលពីខែមីនា ឆ្នាំមុន ប៉ុន្តែរូបគេមិនត្រូវបានបញ្ចូលឈ្មោះសម្រាប់ការប្រកួត Euro 2024 ។ Rashford កាន់តែមានភាពពិបាកថែមទៀតក្នុងការដណ្តើមយកកន្លែងរបស់គេនៅក្នុងក្រុមជម្រើសជាតិអង់គ្លេសវិញ ក្រោមការដឹកនាំរបស់គ្រូបង្វឹកថ្មីលោក Thomas Tuchel ។

យ៉ាងណាមិញ Marcus Rashford ក៏កំពុងរង់ចាំការកោះហៅពីលោក Amorim វិញ ហើយរំពឹងទទួលបានឱកាសប្រកួតប្រជែងថ្មី។ Rashford មិនបានលេង៥ប្រកួតចុងក្រោយរបស់ Man UTD ប៉ុន្តែវានៅតែត្រូវមើលថាតើលោក Amorim នឹងបញ្ចូលឈ្មោះរូបគេសម្រាប់ការធ្វើដំណើរទៅជួប Liverpool នៅចុងសប្តាហ៍នេះឬយ៉ាងណា៕

អត្ថបទទាក់ទង