Tottenham Hotspur ទិញបានអ្នកចាំទី Antonin Kinsky ពី Slavia Prague

Premier League
January 6th, 2025 (3 weeks)
165 Views
Share

ក្លិប Tottenham Hotspur បានចុះហត្ថលេខាលើអ្នកចាំទី Antonin Kinsky ពីក្លិបឆេក Slavia Prague ក្នុងកិច្ចព្រមព្រៀងដែលមានតម្លៃប្រហែល ១២,៥ លានផោន។

Spurs មិនមានអ្នកចាំទីជម្រើសដំបូង Guglielmo Vicario ចាប់តាំងពីរូបគេបានរងរបួសកជើងកាលពីចុងខែវិច្ឆិកា អំឡុងពេលប្រកួតឈ្នះ Manchester City ដោយលទ្ធផល ៤-០។

អ្នកចាំទី Fraser Forster បានក្លាយជាបេក្ខភាពជំនួស Vicario ប៉ុន្តែរូបគេក៏បានខកខានការប្រកួតដែល Tottenham Hotspur ចាញ់ Newcastle United ដោយលទ្ធផល ២-១ កាលពីចុងសប្តាហ៍កន្លងទៅ ដោយសាររូបគេមានជំងឺ ។

ក្រុមរហស្សមានមាន់ខ្នាយមាស ឈ្នះតែ២ប្រកួតប៉ុណ្ណោះក្នុងចំណោម១១ ប្រកួតចុងក្រោយរបស់ពួកគេ ហើយឈរនៅលេខ ១២ ក្នុងតារាងពិន្ទុ Premier League ។

បញ្ហាខ្វះកីឡាករអ្នកចាំទី បានធ្វើអោយ Tottenham Hotspur សម្រេចចិត្តនាំយក កីឡាករ Antonin Kinsky វ័យ២១ឆ្នាំ ពីក្លិប Slavia Prague ដោយរូបគេបានយល់ព្រមលើកិច្ចព្រមព្រៀង រហូតដល់ឆ្នាំ ២០៣១។

បន្ទាប់ពីបានចូលរួមពី Dukla Prague ក្នុងឆ្នាំ ២០២១ Antonin Kinsky បានចំណាយពេលលេងខ្ចីជើងអោយក្លិបនានា មុនពេលទៅចូលរួម Slavia Prague ។

Antonin Kinsky ជនជាតិឆេករូបនេះ បានបង្ហាញខ្លួន ២៩ ប្រកួត សម្រាប់ Slavia ក្នុងរដូវកាលនេះ និងរក្សាសំណាញ់ទីមិនអោយគូប្រកួតស៊ុតបញ្ចូលទី Clean Sheet ចំនួន១៤ដងផងដែរ៕

អត្ថបទទាក់ទង