RB Leipzig សម្រេចទិញផ្តាច់ខ្សែបម្រើ Xavi Simons ពី Paris St Germain

បាល់ទាត់
January 31st, 2025 (1 year)
885 Views
Share

ក្លិប RB Leipzig បានសម្រេចទិញយកខ្សែបម្រើ Xavi Simons មកជាកីឡាករអចិន្ត្រៃយ៍របស់ពួកគេ បន្ទាប់ពីការលេងជាកីឡាករខ្ចីជើងរយៈពេល ១៨ ខែពីក្លិប Paris St Germain។

កីឡាករអន្តរជាតិហូឡង់បានចុះកិច្ចសន្យាជាមួយ RB Leipzig រហូតដល់ឆ្នាំ ២០២៧។ របាយការណ៍ប្រព័ន្ធផ្សព្វផ្សាយបាននិយាយថាកិច្ចព្រមព្រៀងមានតម្លៃជាង ៥០ លានអឺរ៉ូ បូករួមទាំងប្រាក់រង្វាន់លើកទឹកចិត្តផ្សេងៗទៀត។

កីឡាករវ័យ២១ឆ្នាំ បានចូលរួមជាមួយ Paris St Germain ក្នុងនាមជាកីឡាករថ្នាលយុវជន ក្នុងឆ្នាំ ២០១៩ បន្ទាប់ពីលេងជាកីឡាករថ្នាលយុវជនរយៈពេល ៧ ឆ្នាំនៅក្លិប Barcelona ។

រូបគេបានបង្ហាញខ្លួនជាលើកដំបូងអោយក្រុមឈុតធំ Paris St Germain នៅឆ្នាំ ២០២១ ហើយបានផ្លាស់ទៅ PSV Eindhoven នៅឆ្នាំ២០២២ មុនពេលត្រលប់ទៅ Paris St Germain វិញនៅឆ្នាំ ២០២៣។ យ៉ាងណា Paris St Germain បានបញ្ជូន Xavi Simons ទៅអោយ RB Leipzig ក្នុងលក្ខខណ្ឌខ្ចីជើងភ្លាមៗបន្ទាប់ពីការត្រឡប់មកវិញរបស់គេ។

Xavi Simons ក៏បានបង្ហាញខ្លួន ២៤ ប្រកួតសម្រាប់ក្រុមបាល់ទាត់ជម្រើសជាតិហូឡង់ និងបានជួយ RB Leipzig ឈ្នះពានរង្វាន់ German Super Cup ក្នុងឆ្នាំ ២០២៣ ។ រូបគេបានបង្ហាញខ្លួនចំនួន ៦០ លើកសម្រាប់ RB Leipzig ក្នុងរយៈពេលពីររដូវកាលចុងក្រោយ ដោយស៊ុតបញ្ចូលទីបាន ១៥ គ្រាប់។

RB Leipzig នឹងលេងវគ្គ៨ក្រុមចុងក្រោយ German Cup ទល់នឹង Wolfsburg នៅចុងខែកុម្ភៈ។ រីឯនៅ ក្នុងការប្រកួតក្របខណ្ឌ Bundesliga វិញ ពួកគេ កំពុងឈរលេខ៥ ក្នុងតារាងពិន្ទុ ដោយមាន៣២ពិន្ទុ ក្រោយឆ្លងកាត់ ១៩ប្រកួត មានពិន្ទុស្មើក្រុមលេខ៤ VfB Stuttgart ។ ការប្រកួតលីគកំពូលអាល្លឺម៉ង់ជាបន្តរបស់ RB Leipzig គឺនឹងត្រូវប៉ះ Union Berlin នៅកីឡដ្ឋាន An der Alten Försterei នៅចុងសប្តាហ៍នេះ៕

អត្ថបទទាក់ទង

RB Leipzig សម្រេចទិញផ្តាច់ខ្សែបម្រើ Xavi Simons ពី Paris St Germain

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស