ខ្សែបម្រើ Joao Felix ចាកចេញពី Chelsea ទៅចូលរួម AC Milan ក្នុងនាមជាកីឡាករខ្ចីជើង

Premier League
February 4th, 2025 (5 months)
333 Views
Share

ខ្សែបម្រើ Joao Felix បានចាកចេញពីក្លិប Chelsea ដើម្បីផ្លាស់ទៅចូលរួមជាមួយក្លិប AC Milan ក្នុងនាមជាកីឡាករខ្ចីជើង។ នេះបើតាមការប្រកាសពីក្លិបនៅក្របខណ្ឌ Premier League។

អតីតសមាជិក Benfica និង Atletico Madrid បង្ហាញខ្លួនជាកីឡាករជម្រើសដំបូងរបស់ Chelsea បានតែ៣ប្រកួត ប៉ុណ្ណោះនៅក្នុងការប្រកួតលីគកំពូលអង់គ្លេសរដូវកាលនេះ។

សម្រាប់ការផ្លាស់ទៅកាន់ AC Milan របស់ Joao Felix គឺមិនមានជម្រើសដែលតម្រូវអោយទិញផ្តាច់កីឡាករនោះទេ។

Joao Felix បានចាប់ផ្តើមអាជីពរបស់ខ្លួននៅ Benfica ហើយបានផ្ទេរក្នុងតម្លៃ ១១៣ លានផោនទៅ Atletico Madrid ក្នុងខែកក្កដា ឆ្នាំ ២០១៩ ដែលជាកិច្ចព្រមព្រៀងដែលនៅពេលនោះគឺជាការផ្ទេរថ្លៃបំផុតទី ៥ ក្នុងប្រវត្តិសាស្ត្រ។

កីឡាករវ័យ២៥ឆ្នាំ ធ្លាប់លេងជាកីឡាករខ្ចីជើងនៅ Chelsea និង Barcelona មុនពេលរូបគេផ្លាស់មកកាន់ Chelsea ក្នុងកិច្ចសន្យាអចិន្ត្រៃយ៍ ៤៥ លានផោនក្នុងខែសីហា។

AC Milan ដែលស្ថិតក្នុងចំណាត់ថ្នាក់លេខ ៨ ក្នុងក្របខណ្ឌ Serie A នឹងត្រូវប្រកួតជាមួយក្រុម Roma ក្នុងវគ្គ ៨ក្រុមចុងក្រោយនៃពានរង្វាន់ Coppa Italia នៅពាក់កណ្តាលសប្តាហ៍នេះ ហើយមានការប្រកួត Play-Off ពីរជើងទល់នឹង Feyenoord ក្នុងក្របខណ្ឌ UEFA Champions League ក្នុងខែកុម្ភៈនេះផងដែរ៕

អត្ថបទទាក់ទង