Liverpool ត្រៀមខ្លួនបញ្ចេញខ្សែប្រយុទ្ធ Darwin Núñez នៅទីផ្សាររដូវក្តៅខាងមុខ

Premier League
February 11th, 2025 (1 month)
195 Views
Share

ក្លិប Liverpool បានត្រៀមខ្លួនបញ្ចេញខ្សែប្រយុទ្ធ Darwin Núñez នៅទីផ្សារដោះដូរកីឡាកររដូវក្តៅខាងមុខ។ នេះបើតាមការផ្សព្វផ្សាយពីសារពត៌មាន Fichajes។

កីឡាករអ៊ុយរូហ្កាយ បានផ្លាស់ពីក្លិបព័រទុយហ្កាល់ Benfica មកកាន់ក្លិប Liverpool កាលពីឆ្នាំ២០២២ ដោយមានក្តីរំពឹងខ្ពស់ពីការបញ្ចេញសមត្ថភាពរបស់គេ។ ទោះយ៉ាងណាក៏ដោយ ការសម្របខ្លួនរបស់ Darwin Núñez នៅក្របខណ្ឌ Premier League ហាក់មិនមានភាពល្អប្រសើរខ្លាំងនោះឡើយ។

ដូច្នេះហើយ Liverpool មានបំណងចង់បញ្ចេញរូបគេចេញទៅវិញនៅពេលខាងមុខ។ ប្រភពពីសារពត៌មានខាងដើមដដែលបាន អោយដឹងថា ក្លិបនៅប្រទេសអារ៉ាប៊ីសាអូឌីតដែលមិនត្រូវបានបញ្ចេញឈ្មោះ បានចាប់អារម្មណ៍ កីឡាករវ័យ២៥ឆ្នាំ នឹងមានបំណងដាក់សំណើដ៏ល្អមួយ ដើម្បីនាំយករូបគេទៅចូលរួម ជាមួយនឹងការផ្តល់ជូនឱកាសថ្មីៗនៅក្នុងអាជីពរបស់គេផងដែរ។

ក្រៅពីក្លិបនៅអារ៉ាប៊ីសាអូឌីតហើយ ក្លិបអ៊ីតាលី AC Milan ក៏កំពុងចាប់អារម្មណ៍ Darwin Núñez ដូចគ្នា។ ការដែល AC Milan ចង់បាន Darwin Núñez ព្រោះពួកគេចង់យកទៅជំនួស ខ្សែប្រយុទ្ធ Rafael Leão ដែលត្រូវជឿថា នឹងចាកចេញពី AC Milan នៅរដូវក្តៅ។

ម្យ៉ាងវិញទៀត លោក Arne Slot ដែលជាគ្រូបង្វឹករបស់ Liverpool ក៏កំពុងប្រឈមមុខនឹងការខកចិត្តជាមួយនឹងកីឡាករសំខាន់២រូបនៅ Liverpool គឺ Luis Díaz និង Diogo Jota ។ ទោះបីជាអ្នកទាំងពីរមានសារៈសំខាន់នៅក្នុងក្រុមនាពេលថ្មីៗនេះក៏ដោយ ប៉ុន្តែ លោក Slot មានអារម្មណ៍ថាពួកគេមិនបានឈានដល់កម្រិតដែលរំពឹងទុកនៅលើទីលាននោះទេ។ នេះអាចបង្ហាញថា Liverpool កំពុងតែរៀបចំផែនការផ្លាស់ប្តូរសំខាន់ៗនៅក្នុងក្រុមរបស់ខ្លួន ដែលអាចនាំអោយមានការវាយតម្លៃឡើងវិញនូវក្រុមរបស់ពួកគេជាមួយកីឡាករដូចជា Núñez, Díaz និង Jota ៕

អត្ថបទទាក់ទង