West Ham United ចាប់អារម្មណ៍ខ្សែបម្រើ Heorhiy Sudakov របស់ Shakhtar Donetsk

Premier League
February 19th, 2025 (5 months)
437 Views
Share

ក្លិប West Ham United អាចនឹងសម្លឹងរកអ្នកជំនួសខ្សែបម្រើ Carlos Soler នៅរដូវក្តៅនេះ ហើយគ្រូបង្វឹកលោក Graham Potter ត្រូវបានដឹងថាបានសម្លឹងមើលឃើញគោលដៅថ្មីរបស់ខ្លួនរួចហើយនោះគឺខ្សែបម្រើ Heorhiy Sudakov របស់ក្លិបអ៊ុយក្រែន Shakhtar Donetsk។

ជាការពិត Carlos Soler កំពុងលេងជាកីឡាករខ្ចីជើងអោយ West Ham United ពី ក្លិបបារាំង Paris Saint-Germain។ មែនទែនទៅ West Ham United ចង់ចុះកិច្ចព្រមព្រៀងនាំយកកីឡាករ អេស្ប៉ាញ វ័យ ២៨ឆ្នាំ ជាអចិន្ត្រៃយ៍រដូវក្តៅខាងមុខ ប៉ុន្តែរបាយការណ៍ចុងក្រោយអោយដឹងថា គ្រូបង្វឹកលោក Graham Potter បែរជាចង់បានកីឡាករថ្មីទៅវិញដែលជាខ្សែបម្រើ Heorhiy Sudakov។

កីឡាករអ៊ុយក្រែន ស៊ុតបញ្ចូលទីបាន ១០គ្រាប់ និង ចែកបាល់សម្រេចទី៣ដងក្នុង ២៥ ប្រកួតនៅរដូវកាលនេះ សម្រាប់ Shakhtar Donetsk ។ ដូច្នេះហើយទើបមានការយល់យ៉ាងងាយថា ហេតុអ្វីបានជារូបគេអាចទាក់ទាញការចាប់អារម្មណ៍ពី West Ham United ។

ការផ្លាស់ទៅកាន់លីគកំពូលមួយរបស់បាល់ទាត់អឺរ៉ុប នឹងក្លាយជាការបង្កើនគុណភាពរបស់កីឡាករ ហើយវាក៏នឹងកា្លយជាឱកាសដែល Heorhiy Sudakov នឹងចាប់យកផងដែរ។

ទោះយ៉ាងណា Shakhtar Donetsk នឹងមិនបណ្តោយអោយកីឡាករសំខាន់របស់ខ្លួន ចាកចេញក្នុងតម្លៃទាបនោះទេ ដោយកីឡាករវ័យ២២ឆ្នាំ រូបនេះ អាចមានតម្លៃដល់ទៅ ៥៤លានអឺរ៉ូឯណោះ។

បែបនេះក្តី វាត្រូវបានគេជឿថាលោក Graham Potter នឹងផ្លាស់ប្តូរសមាសភាពកីឡាករក្នុងក្រុមបច្ចុប្បន្ននៅរដូវក្តៅខាងមុខ ហើយនឹងផ្តោតលើការនាំយកកីឡាករវ័យក្មេង និងមានសក្កដានុពល ខណៈ Heorhiy Sudakov ជាកីឡាករដែលស្ថិតក្នុងបញ្ជីនៃការនាំចូលកីឡាករថ្មីរបស់ West Ham United៕

អត្ថបទទាក់ទង