ខ្សែការពារ Sepp van den Berg ចង់ចាកចេញពី Brentford វិលទៅ Liverpool វិញ

Premier League
February 27th, 2025 (1 year)
560 Views
Share

ខ្សែការពារ Sepp van den Berg របស់ក្លិប Brentford បានបង្ហើបថា វាជាក្តីស្រមៃរបស់គេក្នុងការត្រលប់ទៅកាន់ក្លិប Liverpool ម្តងទៀត។

កីឡាករហូឡង់ វ័យ២៣ឆ្នាំ បានចូលរួមជាមួយ Brentford ក្នុងតម្លៃ២៥លានផោនក្នុងរដូវក្តៅ បន្ទាប់បញ្ចប់ភារកិច្ចលេងអោយ Liverpool ក្នុងការប្រកួត Pre-Season ខណៈរដូវកាលមុនរូបគេលេងនៅ Mainz ក្នុងលក្ខខណ្ឌខ្ចីជើង ។

Sepp van den Berg បច្ចុប្បន្នកំពុងសម្រាកព្យាបាលរបួសជង្គង់ ប៉ុន្តែ រដូវកាល ២០២៤-២៥ នេះ រូបគេបានបង្ហាញខ្លួនអោយក្រុមរបស់លោកគ្រូបង្វឹក Thomas Frank ចំនួន២៤លើកមកហើយ មុនជួបបញ្ហារបួសនោះ ។

ទោះបីជាយ៉ាងណាមិញក្នុងកិច្ចសម្ភាសន៍ថ្មីៗនេះ Vanden Berg បានបង្ហើបថារូបគេពិតជាមានការខកចិត្តដែលសម្រេចចិត្តចាកចេញពីក្រុម Liverpool ដែលកំពុងដណ្តើមពានរង្វាន់ Premier League នៅរដូវកាលនេះ ។

Van den Berg បាននិយាយថា “ខ្ញុំនិយាយជាមួយនឹងលោក Arne Slot ប៉ុន្តែមុនកិច្ចប្រជុំខ្ញុំបានសម្រេចចិត្តរួចហើយថា ខ្ញុំចង់ចាកចេញ បើសិនមិនបានចូលលេងនោះទេ។ ដែលនេះជាអ្វីដែលបានកើតឡើងនាពេលបច្ចុប្បន្ន ហើយជួយឲ្យខ្ញុំអាចអភិវឌ្ឃន៍ខ្លួនឯងបាន ។ ខ្ញុំក្បត់ខ្លួនឯង បើសិនខ្ញុំនិយាយខ្ញុំការវិលត្រលប់ទៅកាន់ Liverpool មិនមែនជាក្តីស្រមៃរបស់ខ្ញុំទេនោះ ។ ប៉ុន្តែឥឡូវនេះខ្ញុំគិតថា វាល្អសម្រាប់ក្នុងការទទួលបានឪកាសបង្ហាញខ្លួនអោយបានច្រើន។”

Sepp van den Berg ធ្លាប់រួមរស់ជាមួយ Liverpool ចាប់ពីឆ្នាំ ២០១៩-២០២៤ ប៉ុន្តែរូបគេមិនដែលបង្ហាញខ្លួនសូម្បីតែមួយដង នៅក្នុងការប្រកួតក្របខណ្ឌ Premier League ជាមួយក្រុមហង្សក្រហម ហើយភាគច្រើនរូបគេត្រូវបានបញ្ចេញអោយក្លិបអឺរ៉ុបដទៃខ្ចីជើង មុនទៅចូលរួមជាមួយ Brentford ជាអចិន្ត្រៃយ៍៕

អត្ថបទទាក់ទង