Arsenal កាន់តែកៀកការនាំយកខ្សែបម្រើ Nico Williams ពី Athletic Bilbao

Premier League
March 12th, 2025 (4 months)
614 Views
Share

ខ្សែបម្រើ Nico Williams ត្រូវបានរាយការណ៍ថា នឹងចាកចេញពីក្លិប Athletic Bilbao ដើម្បីមកចូលរួមជាមួយក្លិប Arsenal នៅរដូវក្តៅខាងមុខ។ នេះបើតាមការផ្សព្វផ្សាយពីសារពត៌មាន Caught Offside។

កីឡាករអេស្ប៉ាញ ត្រូវបានផ្សារភ្ជាប់ជាមួយនឹងការផ្លាស់ទៅកីឡដ្ឋាន Emirates អស់រយៈពេលជាងមួយឆ្នាំហើយ ដោយ Arsenal បានជំរុញយ៉ាងខ្លាំងក្នុងការនាំយករូបគេមកក្នុងអំឡុងទីផ្សារដោះដូរកីឡាកររដូវក្តៅឆ្នាំ ២០២៤ ។ ទោះជាយ៉ាងណា ទីបំផុត Nico Williams បានសម្រេចចិត្តបន្តនៅ Athletic Bilbao បន្ទាប់ពីជោគជ័យក្នុងការប្រកួតជើងឯកអឺរ៉ុបជាមួយក្រុមជម្រើសជាតិអេស្ប៉ាញ។

ថ្វីបើមានការខកចិត្តក៏ដោយ ក៏ក្រុមរបស់គ្រូបង្វឹក លោក Mikel Arteta បានរក្សាការចាប់អារម្មណ៍របស់លើកីឡាករវ័យ២២ឆ្នាំ ហើយឥឡូវនេះមានការអះអាងថាទីបំផុត Arsenal បានឈានដល់កិច្ចព្រមព្រៀងមួយដើម្បីចុះហត្ថលេខាលើ Nico Williams ដោយឥឡូវនេះភ្នាក់ងាររបស់គេកំពុងចរចាដើម្បីបញ្ចប់លក្ខខណ្ឌចុងក្រោយជាមួយក្រុមកាំភ្លើងធំ។

ការកៀកការនាំយក Nico Williams មកចូលរួមជាមួយខ្លួននោះ Arsenal ហាក់ដូចជាបានយកឈ្នះលើការប្រកួតប្រជែងពីក្លិបធំៗមួយចំនួ រួមមាន Barcelona, Chelsea, Liverpool, Manchester United និង Aston Villa ដែលក្លិបនីមួយៗត្រូវបានភ្ជាប់ជាមួយ Nico Williams នាពេលកន្លងមក។

Arsenal អាចនឹងប្រើប្រាស់ការទិញផ្តាច់កុងត្រា Nico Williams ដែលមានតម្លៃ ៥៨ លានអឺរ៉ូ នៅពេលដែលទីផ្សាររដូវក្តៅបើក ហើយរូបគេត្រូវបានគេរំពឹងថានឹងក្លាយជាកីឡាករដែលមានប្រាក់ខែខ្ពស់បំផុតរបស់ក្លិប។

Nico Williams ត្រូវបានគេរំពឹងថានឹងចូលទីក្នុងប្រព័ន្ធរបស់លោក Mikel Arteta ជាខ្សែបម្រើស្លាបឆ្វេងជម្រើសដំបូងរបស់ក្រុមដោយវ៉ាដាច់ទាំង Leandro Trossard និង Gabriel Martinelli ៕

អត្ថបទទាក់ទង