នាយកប្រតិបត្តិក្លិប Man UTD បារម្ភ ការសាងសង់កីឡដ្ឋានថ្មី អាចនឹងផ្តល់វិបត្តិដល់ការចំណាយ

Premier League
March 14th, 2025 (1 month)
642 Views
Share

លោក Omar Berrada នាយកប្រតិបត្តិក្លិប Man UTD បារម្ភថាការវិនិយោគរបស់ក្លិប ទៅលើការសាងសង់កីឡដ្ឋានថ្មី អាចនឹងផ្តល់វិបត្តិដល់ការចំណាយលើការអភិវឌ្ឍក្លិប ដើម្បីបង្កើនកម្រិតប្រកួតប្រជែងអំឡុងពេល ៥ឆ្នាំបន្ទាប់។

ជាការពិត ក្លិប Man UTD ទើបតែបានបង្ហាញគម្រោងសាងសង់កីឡដ្ឋានថ្មី ដែលនឹងក្លាយជាកីឡដ្ឋានដ៏ធំបំផុតក្នុងចក្រភពអង់គ្លេស ដោយកីឡដ្ឋាននេះនឹងមានតម្លៃប្រមាណ ២ពាន់លានផោនឯណោះ។
ការចំណាយដ៏ធំនេះធ្វើអោយ លោក Omar Berrada មានការបារម្ភ ពីការមានវិបត្តិលើការប្រើប្រាស់ថវិការអភិវឌ្ឈន៍ក្លិបបិសាចក្រហម។

លោក Omar Berrada បាននិយាយដូច្នេះ “វាគឺជាវិបត្តិដ៏ពិតប្រាកដមួយ ដែលយើងចង់បញ្ជៀស។ យើងមិនចង់ធ្វើអោយធ្លាក់ចុះ នូវកម្រិតសមត្ថភាពលើការវិនិយោគលើក្រុមកីឡាកររបស់យើងឡើយ។ យើងចង់បានការប្រកួតប្រជែងដ៏ខ្លាំង អំឡុងពេលកសាងកីឡដ្ឋានថ្មី។”

បច្ចុប្បន្ន Man UTD កំពុងស្ថិតនៅចំណាត់ថ្នាក់លេខ ១៤ នៅក្របខណ្ឌ Premier League ប្រឈមនឹងការបាត់កៅអីពានអឺរ៉ុប គ្រប់កម្រិត។

ក្លិបមកដល់ពេលនេះក៏កំពុងរងការរិះគន់ខ្លាំង ទៅលើទម្រង់លេងធ្លាក់ចុះ គ្មានស្ថិរភាព ខណៈកីឡដ្ឋានគ្មានការអភិវឌ្ឍជឿនលឿន៕

អត្ថបទទាក់ទង