ខ្សែប្រយុទ្ធ Chris Wood របស់ Nottingham Forest មិនទាន់ច្បាស់ពីលទ្ធភាពចូលលេងទល់នឹង Man UTD

Premier League
April 1st, 2025 (1 year)
862 Views
Share

ខ្សែប្រយុទ្ធ Chris Wood របស់ Nottingham Forest កំពុងមានភាពប្រសើរឡើងវិញទៅលើបញ្ហារបួស ប៉ុន្តែរូបគេនៅតែមិនច្បាស់លាស់ពីការចូលលេងទល់នឹង Man UTD នៅកីឡដ្ឋាន City Ground ក្នុងជំនួបក្របខណ្ឌ Premier League ពាក់កណ្តាលសប្តាហ៍នេះ។

កីឡាករ វ័យ៣៣ឆ្នាំ បានរងរបួសត្រគាកពេលបំពេញកាតព្វកិច្ចការប្រកួតអន្តរជាតិជាមួយនឹងក្រុមបាល់ទាត់ជម្រើសជាតិនូវែលសេឡង់នៅដើមខែមីនា។

Chris Wood បានស៊ុតបញ្ចូលទី ១៨ គ្រាប់ក្នុងការបង្ហាញខ្លួន ៣២ដង នៅគ្រប់ការប្រកួតទាំងអស់សម្រាប់ Nottingham Forest ក្នុងរដូវកាលនេះ តែដោយសារបញ្ហារបួស រូបគេបានខកខានការប្រកួតឈ្នះ Brighton ក្នុងពានរង្វាន់ FA Cup វគ្គ ៨ក្រុមចុងក្រោយ ។

គ្រូបង្វឹក Nottingham Forest លោក Nuno Espirito Santo បានសង្ឃឹមថា Chris Wood នឹងភាពពេញលេញ ប៉ុន្តែមិនបានបញ្ជាក់ពីពេលដែលកីឡាកររូបនេះនឹងត្រលប់មកវិញនោះទេ។

Wood បានសម្រាកត្រឹមតែ១០ នាទីប៉ុណ្ណោះក្នុងវគ្គទី២នៃជ័យជំនះ ៣-០ របស់ក្រុមនូវែលសេឡង់ទៅលើក្រុមនូវែលខាឡេដូនៀដែលបានធានាកៅអីទៅកាន់ FIFA World Cup 2026 ។

Nottingham Forest កំពុងឈរនៅលេខរៀងទី ៣ ក្នុងតារាងពិន្ទុក្របខណ្ឌ Premier League ខណៈដែលពួកគេកំពុងប្រឹងប្រែងស្វែងរក្សាកៅអីដើម្បីបានទៅចូលរួមការប្រកួត UEFA Champions League នៅឆ្នាំក្រោយ ហើយ Chris Wood បានដើរតួយ៉ាងសំខាន់ក្នុងភាពជោគជ័យរបស់ក្រុមនៅរដូវកាលនេះ៕

អត្ថបទទាក់ទង