Brighton ឈានដល់កិច្ចព្រមព្រៀងនាំយក ខ្សែបម្រើ Tom Watson ពី Sunderland

Premier League
April 2nd, 2025 (1 year)
600 Views
Share

ក្លិប Brighton នៃក្របខណ្ឌ Premier League បានឈានដល់កិច្ចព្រមព្រៀងតម្លៃ ១០ លានផោនដើម្បីចុះហត្ថលេខាលើខ្សែបម្រើ Tom Watson របស់ក្លិប Sunderland នៃក្របខណ្ឌ EFL Championship នៅរដូវក្តៅនេះ។

កីឡាករអង់គ្លេស បានស៊ុតបញ្ចូលទី២គ្រាប់ក្នុងការបង្ហាញខ្លួន ១៧ ដងសម្រាប់ Sunderland ចាប់តាំងពីការបង្ហាញខ្លួនលើកដំបូងរបស់គេ ក្នុងខែមេសា ឆ្នាំ ២០២៣។

Tom Watson បានយល់ព្រមលើកិច្ចព្រមព្រៀងរយៈពេល ៤ ឆ្នាំជាមួយ Brighton ដោយចាប់ផ្តើមពីពេលដែលទីផ្សារដោះដូរកីឡាកររដូវក្តៅបើករហូតដល់ខែមិថុនា ឆ្នាំ២០២៩។

កីឡាករវ័យ១៨ឆ្នាំ រូបនេះនឹងនៅជាមួយ Sunderland ដែលកំពុងប្រជែងគ្នាសម្រាប់ការប្រកួតវគ្គ Play-off នៃក្របខណ្ឌ EFL Championship សម្រាប់រដូវកាលដែលនៅសល់។

លោក David Weir នាយកបច្ចេកទេសរបស់ Brighton បាននិយាយថា “Tom Watson គឺជាកីឡាករមានទេពកោសល្យវ័យក្មេងដ៏គួរអោយចាប់អារម្មណ៍ ដែលយើងកំពុងតាមដានក្នុងរយៈពេលនេះ។ គេមានរដូវកាលដ៏ជោគជ័យមួយជាមួយ Sunderland ហើយយើងទន្ទឹងរង់ចាំរូបគេមកចូលរួមជាមួយយើងនៅរដូវក្តៅ។ ទោះជាយ៉ាងណាក៏ដោយ សម្រាប់ពេលនេះ ការផ្តោតអារម្មណ៍របស់គេទាំងស្រុងគឺជួយ Sunderland បញ្ចប់រដូវកាលរបស់ពួកគេអោយបានល្អបំផុតតាមដែលអាចធ្វើទៅបាន។”

Tom Watson ធ្លាប់បានលេងអោយក្រុមបាល់ទាត់ជម្រើសជាតិអង់គ្លេសយុវជន ទាំងកម្រិតអាយុក្រោម ១៧ ឆ្នាំ និងអាយុក្រោម ១៨ ឆ្នាំ ផងដែរ៕

អត្ថបទទាក់ទង