Aston Villa បង្កើនចំណាប់អារម្មណ៍ចង់ទិញយកខ្សែបម្រើ Noni Madueke ពី Chelsea

Premier League
April 7th, 2025 (3 months)
373 Views
Share

Chelsea នឹងមានភាពមមាញឹកនៅរដូវក្តៅនេះ ហើយការចាកចេញរបស់កីឡាករជាច្រើនរូបនឹងកើតមាន ដោយក្នុងនោះ ខ្សែបម្រើ Noni Madueke អាចនឹងធ្វើការផ្លាស់ប្តូរទៅកាន់ Aston Villa។

ជាការពិត Chelsea ចង់ចុះហត្ថលេខាលើខ្សែបម្រើស្លាបថ្មី ខណៈ Noni Madueke លែងស្ថិតក្នុងតម្រូវការរបស់គ្រូបង្វឹកលោក Enzo Maresca។ តួយ៉ាង ក្រុមតោខៀវ ត្រូវបានដឹងថា មិនបានចាប់អារម្មណ៍ពីស្ថានភាពនៃការវិវឌ្ឈខ្លួនរបស់កីឡាករវ័យ២៣ឆ្នាំទេ ដែលបង្ហាញច្បាស់ពីការបើកចំហចំពោះការលក់ រូបគេចេញនៅពេលខាងមុខ។

នេះគឺជាដំណឹងល្អសម្រាប់ Aston Villa ដោយ Madueke ជាគោលដៅមួយក្នុងចំណោមគោលដៅរបស់ពួកគេសម្រាប់ទីផ្សារដោះដូរកីឡាកររដូវក្តៅ។ Aston Villa នឹងមានថវិកាគ្រប់គ្រាន់សម្រាប់ចំណាយបន្ទាប់ពីយុទ្ធនាការ UEFA Champions League ដ៏ល្អឥតខ្ចោះនៅរដូវកាលនេះ ហើយខ្សែបម្រើស្លាបថ្មីនឹងត្រូវបាននាំយកមក បើទោះបីជាពួកគេកំពុងមាន Marcus Rashford និង Marco Asencio ក៏ដោយ។

យ៉ាងណា វានឹងមិនងាយស្រួលសម្រាប់ Aston Villa ក្នុងការចុះហត្ថលេខាលើ Madueke ទេ ខណៈរូបគេក៏ត្រូវបានដឹងថា បានទាក់ទាញចំណាប់អារម្មណ៍ពី AC Milan ផងដែរ។

បែបនេះក្តី ភាពទាក់ទាញនៃការទទួលបានឱកាសលេងក្នុងក្រុមដំបូង និងបរិយាកាសរីករាយនឹងធ្វើអោយវាក្លាយជាសំណើដ៏ទាក់ទាញរបស់ Aston Villa ក្នុងការលួងលោមនាំយក Noni Madueke ដែលបានស៊ុតបញ្ចូលទីបាន ៩ គ្រាប់ និងបញ្ជូនបាល់អោយមិត្តរួមក្រុមចំនួន ៤ ដងនៅគ្រប់ការប្រកួតទាំងអស់សម្រាប់ Chelsea ក្នុងរដូវកាលនេះ។

វានឹងក្លាយជារឿងគួរអោយចង់តាមដាន ក្នុងការមើលថា តើ Aston Villa អាចចុះហត្ថលេខាលើ Noni Madueke នៅរដូវក្តៅនេះដែរឬទេ។ នៅដំណាក់កាលនេះ វាហាក់ដូចជាទំនងជាថារូបគេនឹងត្រូវបញ្ចេញដោយ Chelsea ដែលវាផ្តល់ក្តីសង្ឃឹមដល់ គ្រូបង្វឹក Aston Villa លោក Unai Emery ដែលកំពុងរៀបចំក្រុមខ្លួន ត្រៀមក្នុងការប្រកួតប្រជែងកម្រិតខ្ពស់នារដូវកាលក្រោយ៕

អត្ថបទទាក់ទង