Tottenham Hotspur ជឿថាអាចនាំយក Angel Gomes ពី Lille ដោយឥតតម្លៃខ្លួន

Premier League
April 11th, 2025 (1 week)
192 Views
Share

Tottenham Hotspur ត្រូវបានរាយការណ៍ថា មានទំនុកចិត្តក្នុងការនាំយកខ្សែបម្រើ Angel Gomes ពី Lille ដោយឥតគិតថ្លៃនៅទីផ្សារដោះដូរកីឡាកររដូវក្តៅនេះ។

កីឡាករអង់គ្លេសបានរកឃើញភាពភ្លឺស្វាងមកវិញ ជាមួយលេងអោយ Lille ក្រោយចាកចេញពី Man UTD ប៉ុន្តែឥឡូវនេះវាជិតដល់ពេលបញ្ចប់នៃពេលវេលារបស់គេនៅប្រទេសបារាំងហើយ ដ្បិតគេកំពុងឈានដល់ការបញ្ចប់កិច្ចសន្យាបច្ចុប្បន្ន ខណៈការចរចាកិច្ចសន្យាថ្មីហាក់មិនបានធ្វើឡើងទេ។

ដំណឹងនេះធ្វើអោយក្លិបជាច្រើនមានការចាប់អារម្មណ៍លើ Angel Gomes ប៉ុន្តែហាក់ដូចជាមានតែ Tottenham Hotspur ដែលមានភាពជឿជាក់ខ្លាំងថា នាំយកកីឡាករវ័យ២៤ឆ្នាំមកចូលរួមដោយឥតតម្លៃខ្លួន នៅពេលកិច្ចសន្យារបស់គេជាមួយ Lille ផុតសុពលភាព។

Angel Gomes ជាកីឡាករដ៏ល្អមួយដើម្បីពង្រឹងក្រុម Tottenham Hotspur ដែលកំពុងមានរដូវកាលដ៏លំបាក ហើយចង់កែប្រែក្រុមឡើងវិញសម្រាប់ការប្រកួតរដូវកាលក្រោយ។

វាពិតជាគួរអោយចាប់អារម្មណ៍ក្នុងការឃើញ Angel Gomes ត្រលប់មកលេងបាល់ទាត់នៅអង់គ្លេស វិញ បន្ទាប់ពីមានភាពតានតឹងក្នុងអាជីពជាមួយ Man UTD ។ Angel Gomes ឥឡូវហាក់ដូចជាអាចត្រៀមខ្លួនដើម្បីឈានទៅលេងអោយក្លិបកំពូលនៅ Premier League ហើយគេប្រាកដជាអាចបង្កើតផលវិជ្ជមានជាមួយ Tottenham Hotspur ។

ដោយឡែក ក៏មានការរាយការណ៍ដ៏គួរអោយចាប់អារម្មណ៍មួយទៀតដែរ ដោយ Man UTD អាចចុះហត្ថលេខាលើ Angel Gomes ឡើងវិញនៅរដូវក្តៅនេះ ។ Man UTD ក៏ដូចជា Tottenham Hotspur ដែរ គឺពួកគេមានរដូវកាលដ៏ខកចិត្តយ៉ាងខ្លាំង ដូច្នេះចាំបាច់ត្រូវមានការប្រុងប្រយ័ត្នក្នុងការផ្លាស់ប្តូរក្រុម។

Angel Gomes គឺជាកីឡាករវ័យក្មេងមានទេពកោសល្យ ដែលបានធ្វើបានយ៉ាងល្អក្នុងការផ្លាស់ទៅក្រៅប្រទេសដើម្បីទទួលបានពេលវេលា និងឱកាសលេងកាន់តែច្រើន ហើយបើសិនជាគេវិលមកអង់គ្លេសវិញពិតមែន នោះរូបគេអាចនឹងបង្ហាញភាពភ្ញាក់ផ្អើលចំពោះគុណផលថ្មី៕

អត្ថបទទាក់ទង