ខ្សែប្រយុទ្ធ Marcus Rashford ទំនងអវត្តមានការប្រកួតដែលនៅសល់ព្រោះរបួស

Premier League
April 29th, 2025 (4 weeks)
1205 Views
Share

ខ្សែប្រយុទ្ធ Marcus Rashford ដែលកំពុងលេងជាកីឡាករខ្ចីជើងនៅ Aston Villa ត្រូវបាន រំពឹងថានឹងអវត្តមានការប្រកួតដែលនៅសេសសល់នៃរដូវកាលនេះ ដោយសាររូបគេមានបញ្ហារបួសសរសៃពួរ។

ព្រោះតែរបួស Rashford មិនបានចូលលេងការប្រកួតពានរង្វាន់ FA Cup វគ្គពាក់កណ្តាលផ្តាច់ព្រ័ត្រដែល Aston Villa ចាញ់ Crystal Palace ៣-០ កាលពីពេលកន្លងទៅ។

មែនទែនទៅ វាមានលទ្ធភាពដែល Rashford អាចវិលមកទីលានវិញបាន ប៉ុន្តែមានការជឿថា កីឡាករវ័យ២៧ឆ្នាំ មិនចង់បង្ហាញខ្លួននោះឡើយ ដោយចង់ផ្តោតទៅលើការជាសះស្បើយទាន់ពេលវេលា សម្រាប់ការប្រកួតរបស់ក្រុមបាល់ទាត់ជម្រើសជាតិអង់គ្លេសក្នុងខែមិថុនា ដែលជាការប្រកួតជម្រុះ FIFA World Cup 2026 ជាមួយក្រុមអង់ដូរ៉ា និងការប្រកួតមិត្តភាពជាមួយសេណេហ្គាល់។

បើសិន Marcus Rashford សម្រេចចិត្តត្រលប់មកវិញនោះ ការបង្ហាញខ្លួនក្នុងក្របខណ្ឌ Premier League ចុងក្រោយរបស់គេគឺនឹងជួយក្រុម Aston Villa ប៉ះ Tottenham Hotspur នៅថ្ងៃទី ១៨ ខែឧសភា ព្រោះតែគេមិនមានសិទ្ធិលេងក្នុងការប្រកួតបិទបញ្ចប់រដូវកាលដែល Aston Villa ត្រូវតទល់នឹងក្លិបអាណាព្យាបាលរបស់គេ Man UTD នៅថ្ងៃទី ២៥ ខែឧសភានោះឡើយ។

កិច្ចសន្យារបស់ Marcus Rashford នៅ Man UTD ដំណើរការដល់ឆ្នាំ ២០២៨ ប៉ុន្តែរូបគេមិនរំពឹងថានឹងលេងអោយក្លិបបិសាចក្រហមបន្តទៀតទេ ខណៈដែល លោក Ruben Amorim នៅតែជាកាន់តំណែងជាគ្រូបង្វឹកនោះ៕

អត្ថបទទាក់ទង