គ្រូ Man UTD ថា ក្រុមខ្លួនមិនទាន់ត្រៀមរួចរាល់ដើម្បីប្រជែង Premier League រដូវកាលក្រោយ

Premier League
May 6th, 2025 (2 months)
584 Views
Share

គ្រូបង្វឹកលោក Ruben Amorim បានសារភាពថា ក្រុមមិនទាន់ត្រៀមខ្លួនរួចរាល់ឡើយ ដើម្បីប្រជែងពាន Premier League និង UEFA Champions League រដូវកាលក្រោយ។

Man UTD កំពុងត្រៀមខ្លួនប្រកួតជើងទី២ វគ្គពាក់កណ្តាលផ្តាច់ព្រ័ត្រ UEFA Europa League ទល់នឹងក្រុម Athletic Bilbao នៅយប់ថ្ងៃទី៨ ខែឧសភា បន្ទាប់ពីជើងទី១ ធ្វើបានល្អនៅលើទឹកដីអេស្ប៉ាញដោយឈ្នះការប្រកួតលទ្ធផល ៣-០។

យ៉ាងណា លទ្ធផលនៅ Premier League បែរជាបន្តអាក្រក់ទៅៗ ដោយ Man UTD ទើបបានចាញ់ Brentford ធ្វើអោយក្រុម ធ្លាក់ទៅឈរនៅលេខ ១៥ ក្នុងតារាង Premier League។

រដូវកាល ២០២៤-២៥ នឹងក្លាយជាពេលវេលាអាក្រក់មួយ ដែល Man UTD មិនអាចឈរលើពាក់កណ្តាលតារាងក្របខណ្ឌ Premier League បាន តែយ៉ាងណា លោក Ruben Amorim ក៏បញ្ជាក់ថា ក្រុមផ្តោតលើការប្រជែងពាន UEFA Europa League ។

ជុំវិញរឿងនេះ លោក Amorim បាននិយាយបែបនេះ “យើងមិនទាន់ត្រៀមរួចរាល់នោះទេ ក្នុងការប្រកួតប្រជែង Premier League និង UEFA Champions League ប៉ុន្តែយើងត្រូវការឈ្នះពាន UEFA Europa League អោយបាន ដើម្បី អ្នកគាំទ្រយើងរីករាយ។ បន្ទាប់មកយើងនឹងប្រើពេលក្នុងការរៀបចំក្រុម ស្របតាមកម្រិតការប្រកួតរបស់ពានរង្វាន់ធំៗទាំង ២ នោះ។”

ទោះជាការប្រកួតក្នុងស្រុកជួបលទ្ធផលមិនល្អ តែ Man UTD ក្នុងពានកម្រិតទី២ អឺរ៉ុប ពួកគេមិនទាន់ចាញ់ការប្រកួតណាមួយឡើយ ចាប់តាំងពីវគ្គសន្សំពិន្ទុមកម្ល៉េះ រហូតដល់វគ្គពាក់កណ្តាលផ្តាច់ព្រ័ត្រ៕

អត្ថបទទាក់ទង