គ្រូ Arsenal ប្រាប់កូនក្រុមយកការចាញ់នៅ Premier League ជាកម្លាំងចិត្តនៅ UEFA Champions League

Premier League
May 6th, 2025 (2 months)
595 Views
Share

គ្រូបង្វឹក Arsenal លោក Mikel Arteta បានដាស់តឿនកូនក្រុមអោយទប់ចិត្ត និងយកកំហឹង ដែលចាញ់ការប្រកួតក្រោមថ្វីជើង AFC Bournemouth នៅក្របខណ្ឌ Premier League ទៅប្រើដើម្បីប្រជែងអោយឈ្នះ Paris Saint Germain នៅ UEFA Champions League ។

បរាជ័យក្នុងក្របខណ្ឌ Premier League ធ្វើអោយប៉ះពាល់អារម្មណ៍កូនក្រុមរបស់លោក Mikel Arteta ដែលកំពុងត្រៀមខ្លួនសម្រាប់ការប្រកួតជើងទី២ វគ្គពាក់កណ្តាលផ្តាច់ព្រ័ត្រ UEFA Champions League ទល់នឹង Paris Saint Germain។ យ៉ាងណា គ្រូបង្វឹកសញ្ជាតិអេស្ប៉ាញ បានផ្តាំកូនក្រុមអោយត្រៀមបញ្ចេញកំហឹង ពេលប្រកួតប្រជែងទល់នឹងក្រុមខ្លាំងរបស់បារាំង។

លោក Mikel Arteta បានអោយដឹងដូច្នេះ “លទ្ធផលវិជ្ជមាននឹងអាចជួយដល់យើងក្នុងការកសាងទំនុកចិត្តខ្ពស់ តាមអ្វីដែលយើងចង់បានសម្រាប់ត្រៀមការប្រកួតសំខាន់នៅពេលខាងមុខ។ ដូច្នេះអ្វីដែលយើងត្រូវបង្កើតនៅពេលនេះ គឺជាកម្លាំងចិត្ត កំហឹង ដើម្បីទៅដណ្តើមជ័យជំនះនៅការប្រកួតប្រជែងមួយដ៏ខ្លាំង ហើយត្រូវទុកការខកចិត្ត អារម្មណ៍មិនល្អនៅមួយឡែក។”

កាលជំនួបជើងទីមួយ វគ្គ៤ក្រុមចុងក្រោយ ពានរង្វាន់ UEFA Champions League ក្នុងកីឡដ្ឋាន Emirate ក្រុម Arsenal បានចាញ់ការប្រកួតលទ្ធផល ១-០ ហើយការប្រកួតជើងទី២ ពួកគេនឹងបន្តជួប Paris Saint Germain ក្នុងកីឡដ្ឋាន Parc des Princes ដែលការប្រកួតនឹងធ្វើឡើងនៅយប់ថ្ងៃទី៧ ខែឧសភា នេះ ៕

អត្ថបទទាក់ទង