UEFA នឹងបើកកិច្ចប្រជុំ ដើម្បីសម្រេចពីអនាគតរបស់ Crystal Palace ក្នុងការលេងពានរង្វាន់ Europa League

Premier League
June 27th, 2025 (3 weeks)
119 Views
Share

ក្រុមប្រឹក្សានាយកប្រតិបត្តិសហព័ន្ធបាល់ទាត់អឺរ៉ុប UEFA នឹងជួបប្រជុំគ្នា ដើម្បីសម្រេចថា តើក្លិបអង់គ្លេស Crystal Palace នឹងត្រូវបានអនុញ្ញាតអោយលេងក្នុងពានរង្វាន់ Europa League រដូវកាលក្រោយឬយ៉ាងណា។

Crystal Palace បានឈ្នះពានរង្វាន់ដ៍ចំណាស់របស់អង់គ្លេសគឺ FA Cup ដើម្បីមានសិទ្ធិបង្ហាញខ្លួនការប្រកួតពានរង្វាន់ធំទីពីរនៅអឺរ៉ុបជាលើកដំបូងក្នុងប្រវត្តិសាស្ត្ររបស់ពួកគេ ។

ក្លិប Crystal Palace មានម្ចាស់គ្រប់គ្រងតែមួយជាមួយក្លិបបារាំង Lyon គឺលោក John Textor។ តាមច្បាប់របស់ UEFA ក្លិប២មិនអាចមានម្ចាស់តែមួយហើយលេងក្នុងពានរង្វាន់ដូចគ្នាបាននោះទេ។

លោក John Textor មានភាគហ៊ុននៅក្នុងក្លិបបារាំង Lyon ដែលមានលក្ខណៈសម្បត្តិគ្រប់គ្រាន់សម្រាប់ Europa League ផងដែរប៉ុន្តែមានការប្រែប្រួលមួយទៀតក្នុងសប្តាហ៍នេះនៅពេល Lyon ត្រូវបាន កាត់ចោលទៅលេងនៅលីគលំដាប់ទីពីរបារាំង Ligue 2 ដោយសារស្ថានភាពហិរញ្ញវត្ថុមិនល្អរបស់ពួកគេ ដែលអាចរារាំងក្លិបនេះមិនអោយលេងនៅពានរង្វាន់អឺរ៉ុបទាំងស្រុងតែម្តង៕

អត្ថបទទាក់ទង