ខ្សែការពារ Ezri Konsa និយាយថា ការរឹតបន្តឹងផ្នែកហិរញ្ញវត្ថុលើ Aston Villa “បានសម្លាប់ក្លឹបនេះ” ក្នុងទីផ្សារដោះដូរកីឡាកររដូវក្តៅកន្លងទៅ

Premier League
September 5th, 2025 (8 months)
563 Views
Share

កាលពីដើមខែសីហា Aston Villa បានចុះហត្ថលេខាខ្សែប្រយុទ្ធ Evann Guessand ពី Nice ក្នុងតម្លៃ 26 លានផោន បូកនឹងទឹកប្រាក់បន្ថែមផ្សេងៗ 4.3 លានផោន ។

បន្ទាប់មក បានលក់ Jacob Ramsey ទៅឱ្យ Newcastle United ក្នុងតម្លៃ 40លានផោន មុននឹងនាំយក
Harvey Elliott របស់ Liverpool និង Jadon Sancho របស់ Manchester United ក្នុងលក្ខខណ្ឌខ្ចីជើង រួមទាំង Victor Lindelof ដោយមិនមែនតម្លៃខ្លួន ។

Aston Villa ត្រូវបានពិន័យដោយ UEFA កាលពីខែកក្កដា ចំពោះបំពានច្បាប់ហិរញ្ញវត្ថុអឺរ៉ុប ហើយអាចនឹងត្រូវបានហាមមិនឱ្យបញ្ចូលឈ្មោះកីឡាករថ្មីរបស់ខ្លួនលេងពានរង្វាន់ Europa League នៅរដូវកាលនេះ ប្រសិនបើពួកគេមិនមានសមតុល្យទិញដូរកីឡាករនៅទីផ្សារដោះដូររដូវក្តៅកន្លងទៅនេះ ដែលជាហេតុធ្វើឱ្យ Aston Villa ត្រូវរឹតត្បឹតខ្ទង់ចំណាយក្នុងការទិញកីឡាករចូលក្លឹបរបស់ខ្លួន។

សូមបញ្ជាក់ថា យោងតាមគេហទំព័រ FootballTransfers.com, Aston Villa ជាក្លឹប ដែលចំណាយទិញកីឡាករទាបបំផុតទី៣ នៅក្នុងក្របខ័ណ្ឌកំពូលអង់គ្លេសនៅរដូវក្តៅនេះ ពោលគឺពួកគេចំណាយត្រឹម 57.5 លានផោនប៉ុណ្ណោះក្នុងការទិញកីឡករ និងលក់បានវិញ 47 លានផោន។ ដូច្នេះ មានន័យថាពួកគេចេញលុយពីហៅប៉ាវត្រឹម 10.5 លានផោនប៉ុណ្ណោះ៕

អត្ថបទទាក់ទង