កីឡាករ Erling Haaland បានធ្វេីឲ្យអ្នកគាំទ្រភ័យមិនស្ទើរ មុនពេលចូលរួមការប្រកួតជម្រុះ World Cup

Premier League
September 8th, 2025 (1 month)
296 Views
Share

កីឡាករ Erling Haaland របស់ន័រវេ បានរងរបួសមុនការប្រកួតវគ្គជម្រុះ World Cup ប៉ុន្តែវាមិនមែនកើតឡើងដោយសារតែគូប្រជែងនៅលើទីលានឡើយ។

នៅទីក្រុងអូស្លូ កាលពីថ្ងៃមុន Haaland បានជួបគ្រោះថ្នាក់មួយដែលគេមិនរំពឹងទុក។ ទ្វារឡានដឹកជញ្ជូនក្រុមបានបុកចំមាត់របស់គេ ធ្វើឲ្យរបួសហូរឈាម ហើយត្រូវបានដេរបីថ្នេរ។

ទោះជាយ៉ាងណា កីឡាករអាយុ ២៥ ឆ្នាំរូបនេះ បានសម្រាលចិត្តអ្នកគាំទ្ររបស់គាត់ ដោយចែករំលែករូបថតខ្លួនឯងក្នុងស្ថានភាពញញឹមទោះបីជាមាត់របួស។ គាត់សរសេរថា “ខ្ញុំត្រូវគេដាល់នៅជិតទ្វាឡាន!” ហើយក៏បន្ថែមថា ប្រហែលជា Martin Ødegaard មិត្តរួមក្រុមជាជម្រើសជាតិន័រវែស និងកីឡាករពី Arsenal ជាអ្នកវាយ។

ក្រោយមក មន្ត្រីកីឡាន័រវែសបានបញ្ជាក់ថា ទោះបីជាមានរបួសតិចតួចក៏ដោយ Haaland នៅតែមានសុខភាពល្អ និងត្រៀមខ្លួនសម្រាប់ការប្រកួតជម្រុះ World Cup ខាងមុខ។ សារនេះបានធ្វើឲ្យអ្នកគាំទ្រធូរចិត្តនិងសប្បាយចិត្ត ព្រោះ Haaland គឺជាម៉ាស៊ីនរកគ្រាប់បាល់សំខាន់បំផុតមួយសម្រាប់ន័រវែស ក្នុងដំណើរឆ្ពោះទៅ World Cup 2026។

អត្ថបទទាក់ទង