អតីតអ្នកចាត់ការរបស់ Chelsea ម្នាក់នេះថា Bayindir អាចចាប់បានតែបាល់ស៊ុតធម្មតាប៉ុណ្ណោះ តែបើបាល់ Set Piece គឺគេប្រើការមិនកើតឡើយ

Premier League
September 9th, 2025 (1 month)
321 Views
Share

អតីតអ្នកចាត់ការរបស់ក្រុមជម្រើសជាតិស្កុតឡេន និង Crystal Palace លោក George Burley បានលើកឡើងចំៗនៅក្នុង Podcast មួយថា អ្នកចាំទី Altay Bayindir របស់ក្រុមបិសាចក្រហមគឺប្រើការមិនកើតឡើយនៅពេលដែលមានបាល់ Set Piece ម្ដងៗ ។

ថ្លែងទៅកាន់ ESPN លោក Burley វ័យ ៦៩ ឆ្នាំបានលើកឡើងដូច្នេះថា ៖ « Bayindir ? Amorim មិនអាចដាក់ឲ្យគេលេងបានទេ ព្រោះគេអូខេ អាចចាប់បានតែការទាត់សម្ដៅទីធម្មតា ដែលវាជាអ្វីអ្នកចាំទីផ្សេងៗធ្វើ ប៉ុន្តែនៅពេលដែលមានបាល់ពី Set Piece គឺគេប្រើការមិនកើតឡើយ ។ អ្នកចំណូលថ្មី Lammens ត្រូវតែសម្របខ្លួននឹងប្រពន្ធការពាររបស់ក្លិប ហើយត្រូវពង្រឹងឲ្យច្បាស់រឿងបាល់ Set Piece ព្រោះវាជាអ្វីដែលគ្រប់ក្រុមទាំងអស់តែងតែដាក់គោលដៅរៀងរាល់ពេលជួបជាមួយ United ។ »

គួររំលឹកថាអ្នកចាំទីសញ្ជាតិទួកគី Bayindir នឹងក្លាយជាអ្នកចាំទីដៃទី ២ របស់ក្លិបពេញមួយរដូវកាល ២០២៥/២៦ នេះ ក្រោយពី Onana សម្រេចការផ្ទេររបស់គេទៅកាន់ទឹកដីទួកគីចូលរួមជាមួយ Trabzonspor របស់ទួកគីនៅរាត្រីយប់មិញ ៕

អត្ថបទទាក់ទង