ការបង្ហាញស្ទីលជិះកង់ និងម៉ូតូដ៏គួរឱ្យរំភើបក្នុងពិធីបុណ្យកីឡាអេស្ត្រីមនៅទីក្រុងម៉ូស្គូ

កីឡាចម្រុះ
March 23rd, 2026 (2 days)
94 Views
Share

ព្រឹត្តិការណ៍កីឡាអេស្ត្រីមប្រចាំឆ្នាំលើកទី 19 ឈ្មោះ «Proryv» (Breakthrough) បានចាប់ផ្តើមនៅអាគារកីឡា CSKA Arena ក្នុងទីក្រុងម៉ូស្គូ កាលពីថ្ងៃសៅរ៍ ខណៈអ្នកជិះម៉ូតូ និងកីឡាករជាច្រើនបានបង្ហាញស្ទីលគ្រោះថ្នាក់ និងគួរឱ្យរំភើប ធ្វើឱ្យអ្នកទស្សនាអបអរសាទរយ៉ាងខ្លាំង។ ការបង្ហាញរថយន្តកែច្នៃល្បឿនលឿនបើកជុំវិញអាគារ ដោយបញ្ចេញផ្សែងខ្លាំងពីបំពង់ផ្សែង។ កីឡាករពីរុស្ស៊ី និងបរទេសក៏បានជិះម៉ូតូ BMX និងម៉ូតូធំ លោតចុះពីជម្រាល ឆ្លងកាត់ឧបសគ្គប៉ោង ហើយបង្វិលខ្លួននៅលើអាកាស។

កីឡាករឈ្មោះ Maximus មកពីប្រទេសអាល្លឺម៉ង់ បាននិយាយថា

«ការធ្វើ triple backflip នៅទីនេះពិតជាពិសេស ព្រោះជម្រាលតូច តែត្រូវបង្វិលលឿនខ្លាំង។ មិនមានមនុស្សច្រើនក្នុងពិភពលោកអាចធ្វើបាន ហើយនេះហើយជាមូលហេតុដែលខ្ញុំមកទីនេះ»

គាត់បន្ថែមថា គាត់តែងតែព្យាយាមញញឹមពេលសម្តែង ទោះបីមានការភ័យក៏ដោយ ព្រោះអារម្មណ៍ពេលចុះដល់ដីបានជោគជ័យ គឺជាអារម្មណ៍ដែលមិនអាចទិញបាន។

ចំណែកឯកីឡាកររ៉ូលឡឺស្កេតជនជាតិបារាំង Lenny Jourda បាននិយាយថា កម្លាំងចិត្តពីអ្នកទស្សនាមានសារៈ សំខាន់ខ្លាំងក្នុងការសម្តែង «ថាមពលពីមនុស្សមើលធ្វើឱ្យយើងសម្តែងបានល្អ។ ខ្ញុំស្រលាញ់ម៉ូស្គូ មនុស្សនៅទីនេះសប្បុរស ហើយទីក្រុងស្អាតណាស់»

ក្នុងព្រឹត្តិការណ៍នេះ មានកីឡាករល្បីៗពី រុស្ស៊ី អេស្ប៉ាញ អូស្ត្រាលី ជប៉ុន បែលហ្សិក និងកូស្តារីកា ចូលរួម។
កម្មវិធីមានដូចជា៖

Motocross freestyle
Drifting
Stunt show
Snowcross (ម៉ូតូលើព្រិល)
Stunt riding
Power stunts
និងកីឡាអេស្ត្រីមផ្សេងៗ។
ព្រឹត្តិការណ៍នេះត្រូវបានគាំទ្រដោយនាយកដ្ឋានកីឡានៃទីក្រុងម៉ូស្គូ។

អត្ថបទទាក់ទង

ការបង្ហាញស្ទីលជិះកង់ និងម៉ូតូដ៏គួរឱ្យរំភើបក្នុងពិធីបុណ្យកីឡាអេស្ត្រីមនៅទីក្រុងម៉ូស្គូ

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស