ខ្សែបម្រើ Declan Rice ប្រកាសដកខ្លួនចេញពីក្រុមជម្រើសជាតិអង់គ្លេស

Premier League
November 11th, 2021 (3 years)
2345 Views
Share

ខ្សែបម្រើការពាររបស់ក្លិប West Ham United គឺកីឡាករ Declan Rice បានដកខ្លួនពីក្រុមជម្រើសជាតិអង់គ្លេស ដោយសារមានជំងឺ។

ខ្សែបម្រើរបស់ West Ham រូបនេះ នឹងខកខានចូលរួមការប្រកួតវគ្គជម្រុះ FIFA World Cup សម្រាប់ក្រុមអង់គ្លេសទល់នឹង អាល់បានី និង សាន់ម៉ារីណូ ។
យ៉ាងណាមិញការមិនមានវត្តមានរបស់ Declan Rice អាចនឹងធ្វើឱ្យអង់គ្លេសជួបបញ្ហាខ្លះ ព្រោះពេលកន្លងមករូបគេជាចំណែកមួយក្នុងការជួយអង់គ្លេសឱ្យលេងបានល្អជាមួយ Kalvin Phillip ។

យោងតាមសេចក្ដីប្រកាសរបស់សហព័ន្ធបាល់ទាត់អង់គ្លេស Rice មិនអាចចូលរួមហ្វឹកហាត់ជាមួយកីឡាករក្នុងក្រុមដទៃទៀតបាន ដោយសារតែមានជំងឺ ហើយគេត្រលប់ទៅ West Ham វិញ និងអវត្តមានពីរប្រកួតបន្ទាប់ សម្រាប់ក្រុមអង់គ្លេស។

Rice ជាសមាជិកចុងក្រោយបង្អស់ដែលត្រូវបានដកខ្លួនពីក្រុម បន្ទាប់ពី Marcus Rashford របស់ Manchester United និង James Ward-Prowse របស់ Southampton។

ដោយឡែក Mason Mount និង Luke Shaw មិនទាន់ចូលរួមជាមួយក្រុមបាននៅឡើយទេ ប៉ុន្ដែមិនទាន់មានការផ្ដល់ដំណឹងថាពួកគេអាចនឹងដកខ្លួនពីការចូលរួមប្រកួតក្នុងខែនេះដែរឬយ៉ាងណានោះទេ។

កុំភ្លេចរង់ចាំទស្សនា កម្មវិធី CBS Fantasy League ដែលចាក់ផ្សាយរៀងរាល់ថ្ងៃសុក្រ វេលាម៉ោង ២១:០០ – ២២:០០។

សូមជម្រាបជូនថា កម្មវិធី CBS Fanzone ចាក់ផ្សាយរៀងរាល់ថ្ងៃព្រហស្បតិ៍ ម៉ោង ២១:០០ – ២២:០០ នៅលើកញ្ចក់ទូរទស្សន៍ MyTV និងមានចាក់ផ្សាយឡើងវិញនៅលើកញ្ចក់ទូរទស្សន៍ CTN រៀងរាល់ថ្ងៃសៅរ៍ ម៉ោង ២១:០០ – ២២:០០។

កុំភ្លេចណា ទស្សនាការប្រកួតដ៏ជក់ចិត្តបណ្តើរ ឆាតលេងកម្សាន្តបណ្តើរ ប៉ុន្តែកុំភ្លេចដាក់រូបភាពរបស់លោកអ្នកនៅតេឡេក្រាមផង ពេលនោះលោកអ្នកនឹងអាចឃើញសាររបស់លោកអ្នកនៅលើកញ្ចក់ទូរទស្សន៍៕

#អត្ថបទទាក់ទង
#Declan Rice
#Rice
#West
#West Ham United

អត្ថបទទាក់ទង