Tuchel មិនសប្បាយចិត្តដែលអាជ្ញាកណ្តាល ញញឹមនិងសើច ជាមួយ Ancelotti បន្ទាប់ពី Chelsea ចាញ់

Premier League
April 13th, 2022 (3 years)
1577 Views
Share

Thomas Tuchel បានសម្តែងការខកចិត្តចំពោះអាជ្ញាកណ្តាល Szymon Marciniak ដែល “ញញឹម និងសើច” ជាមួយអ្នកចាត់ការក្លិប Real Madrid លោក Carlo Ancelotti បន្ទាប់ពី Chelsea ចាញ់សរុបពីរជើង ៥-៤ ក្នុងការប្រកួត វគ្គ៨ក្រុមចុងក្រោយ Champions League។

Chelsea បានចាញ់ ៣-១ កាលពីជើងទីមួយ។ ក្នុងជើងទីពីរ Mason Mount, Antonio Rudiger និង Timo Werner រកគ្រាប់បាលដើម្បីផ្ដល់ក្ដីសង្ឃឹមសម្រាប់ Chelsea ។ ទោះជាយ៉ាងណា Madrid ក៏អាចទម្លាក់ក្រុមតោខៀវបាន បន្ទាប់ពី Rodrygo ស៊ុតបាល់បញ្ចូលទីពីក្រុម Luka Modric មុនពេលខ្សែប្រយុទ្ធ Karim Benzema ស៊ុតបញ្ចូលទីគ្រាប់ជ័យជម្នះ នៃម៉ោងបន្ថែម ១៥នាទីដំបូង។

Tuchel បាននិយាយថា ក្រុមរបស់គាត់គ្មានអ្វីដែលត្រូវសោកស្តាយ បន្ទាប់ពីឈ្នះ ៣-២ កាលពីយប់មិញ ប៉ុន្តែលោកមានការខកចិត្ត បន្ទាប់ពីអាជ្ញាកណ្តាលប៉ូឡូញ សើចជាមួយលោក Ancelotti ។

គាត់ក៏បានរិះគន់អាជ្ញាកណ្ដាលផងដែរចំពោះការមិនទៅត្រួតពិនិត្យមើលការសម្រេចចិត្តរបស់ VAR ដើម្បីច្រានចោលការស៊ុតបញ្ចូលទីក្នុងតង់ទីពីររបស់ Marcos Alonso សម្រាប់បាល់ប៉ះដៃ។

កុំភ្លេចរង់ចាំទស្សនាការប្រកួតនៃក្របខណ្ឌ Premier League នៅ CTN និង MyTV បណ្ដើរ លេងឆាតកម្សាន្តបណ្តើរ តាមរយៈតេឡាក្រាមលេខទូរសព្ទ +85578666500 ប៉ុន្តែកុំភ្លេចដាក់រូបភាពពិតប្រាកដរបស់លោកអ្នកនៅតេឡេក្រាមផង ពេលនោះលោកអ្នក នឹងអាចឃើញសាររបស់លោកអ្នកនៅលើកញ្ចក់ទូរទស្សន៍៕

អត្ថបទទាក់ទង