Aston Villa ស្វែងរកការចុះហត្ថលេខាលើ Christian Eriksen ដោយឥតតម្លៃផ្ទេរ

Premier League
April 14th, 2022 (2 years)
772 Views
Share

Aston Villa កំពុងស្វែងរកការផ្ទេរសម្រាប់កីឡាករ Christian Eriksen របស់ក្រុម Brentford ។ Eriksen នឹងផុតកុងត្រានៅរដូវក្តៅជាមួយនឹងកិច្ចព្រមព្រៀងដែលបានចុះហត្ថលេខាជាមួយក្រុមរបស់លោក Thomas Frank ក្នុងខែមករា នឹងផុតសុពលភាពនៅចុងបញ្ចប់នៃរដូវកាលនេះ។

កីឡាករអន្តរជាតិដាណឺម៉ាករូបនេះ បានត្រលប់មកលេងវិញហើយ បន្ទាប់ពីសម្រាករយៈពេល ៦ខែពីការប្រកួតបាល់ទាត់ បន្ទាប់ពីគាំងបេះដូងអំឡុងពេលប្រកួត EURO 2020 ជាមួយក្រុមដាណឺម៉ាក។

Eriksen ស្ថិតក្រោមកិច្ចសន្យាជាមួយ Inter Milan ប៉ុន្តែក្លិបបានបញ្ចប់មុន។ កីឡាករវ័យ ៣០ ឆ្នាំរូបនេះ មានទម្រង់លេងយ៉ាងល្អសម្រាប់ក្រុម Brentford ដែលបានឈ្នះរាល់ការប្រកួតទាំង ៤ ដែល Eriksen បានចាប់ផ្តើម និងស៊ុតបញ្ចូលទីបាន ១គ្រាប់ និង Assist ១។

Eriksen ក៏បានត្រលប់មកវិញជាមួយក្រុមជម្រើសជាតិដាណឺម៉ាករបស់គេដែរ ដោយស៊ុតបញ្ចូលទី កាលពីខែមុន។ ទម្រង់លេង និងកាយសម្បទារបស់គេ បានធ្វើឱ្យ Aston Villa ចង់បាន។

គូប្រជែងក្នុងក្របខណ្ឌ Premier League គឺ Crystal Palace, Everton, Newcastle United និង West Ham United សុទ្ធតែមានចំណាប់អារម្មណ៍ផងដែរ។ ក្លិបចាស់របស់គេ ពោលគឺ Tottenham Hotspur ដែល Eriksen ធ្លាប់បានបង្ហាញខ្លួនជាង ៣០០លើក ក៏ចាប់អារម្មណ៍ផងដែរ។

កុំភ្លេចរង់ចាំទស្សនាការប្រកួតនៃក្របខណ្ឌ Premier League នៅ CTN និង MyTV បណ្ដើរ លេងឆាតកម្សាន្តបណ្តើរ តាមរយៈតេឡាក្រាមលេខទូរសព្ទ +85578666500 ប៉ុន្តែកុំភ្លេចដាក់រូបភាពពិតប្រាកដរបស់លោកអ្នកនៅតេឡេក្រាមផង ពេលនោះលោកអ្នក នឹងអាចឃើញសាររបស់លោកអ្នកនៅលើកញ្ចក់ទូរទស្សន៍៕

អត្ថបទទាក់ទង