រកឃើញក្រុមដំបូង ដែលបានឡើងមកក្របខណ្ឌ Premier League នៅរដូវកាលក្រោយ

Premier League
April 20th, 2022 (2 years)
2254 Views
Share

ទោះសល់ចំនួន ៤ប្រកួតទៀតក្ដី ក៏យើងបានរកឃើញក្រុមដំបូងដែលនឹងឡើងមកកាន់ក្របខណ្ឌ Premier League សម្រាប់រដូវកាល ២០២២-២០២៣ បន្ទាប់ពី Fulham បានធានាការវិលត្រឡប់មកកាន់លីគកំពូលអង់គ្លេសវិញ ជាមួយនឹងជ័យជម្នះលើក្រុម Preston North End ក្នុងការប្រកួតក្របខណ្ឌ Championship ។

Fulham ស៊ុតបញ្ចូលទីបាន ៩៨គ្រាប់រហូតមកដល់ពេលនេះ។ ពួកគេនៅតែអាចបំបែកឯតទគ្គកម្មរបស់ក្រុម Manchester City នៅលីគលំដាប់ទីពីរ ចាប់តាំងពីការចាប់ផ្តើមនៃក្របខណ្ឌ Premier League ក្នុងឆ្នាំ១៩៩២ ដែលមានចំនួន ១០៨គ្រាប់។

ក្នុងការប្រកួតចុងក្រោយរបស់ Fulham ខ្សែប្រយុទ្ធ Mitrovic របស់ពួកគេ បានបង្កើតកំណត់ត្រាមួយ ដោយរកបាន ៤០គ្រាប់ ក្នុងមួយរដូវកាល។

ក្លិបដែលមានមូលដ្ឋាននៅភាគខាងលិចទីក្រុងឡុងដ៍ បានជួបនូវការឡើងចុះៗក្នុងប៉ុន្មានរដូវកាលចុងក្រោយនេះ ពោលគឺ ឡើងមក Premier League បានតែ១រដូវកាល ក៏ធ្លាក់ទៅវិញ ចាប់តាំងពីរដូវកាល ២០១៧-២០១៨។

កុំភ្លេចរង់ចាំទស្សនាការប្រកួតនៃក្របខណ្ឌ Premier League នៅ CTN និង MyTV បណ្ដើរ លេងឆាតកម្សាន្តបណ្តើរ តាមរយៈតេឡាក្រាមលេខទូរសព្ទ +85578666500 ប៉ុន្តែកុំភ្លេចដាក់រូបភាពពិតប្រាកដរបស់លោកអ្នកនៅតេឡេក្រាមផង ពេលនោះលោកអ្នក នឹងអាចឃើញសាររបស់លោកអ្នកនៅលើកញ្ចក់ទូរទស្សន៍៕

អត្ថបទទាក់ទង