Premier League Preview៖ ការប្រកួត Chelsea ទល់នឹង Arsenal ផ្សាយបន្តផ្ទាល់នៅ MyTV យប់នេះ

Premier League
April 20th, 2022 (2 years)
904 Views
Share

ការប្រកួតប្រចាំទីក្រុងឡុងដ៍ នឹងចូលមកដល់ រវាងក្រុមតោខៀវ Chelsea និងក្រុមកាំភ្លើងធំ Arsenal នៅ កីឡដ្ឋាន Stamford Bridge ដែលមានផ្សាយបន្តផ្ទាល់ផ្ដាច់មុខនៅលើកញ្ចក់ទូរទស្សន៍ MyTV វេលាម៉ោង១:៤៥នាទីរំលងអាធ្រាត្រ ចូលថ្ងៃព្រហស្បតិ៍ ទី២១ ខែមេសា ឆ្នាំ២០២២។

ក្រុមរបស់លោក Thomas Tuchel ទើបតែឡើងទៅកាន់វគ្គផ្តាច់ព្រ័ត្រ FA Cup ជាលើកទី៣ ជាប់ៗគ្នា ហើយនឹងសម្លឹងមើលការរក្សាចំណាត់ថ្នាក់លេខ៣ នៃក្របខណ្ឌ Premier League ។

ការបរាជ័យ ៤ដងក្នុងចំណោម ៥ប្រកួត បានធ្វើឱ្យ Arsenal ធ្លាក់ចេញពីចំណាត់ថ្នាក់កំពូលទាំង៤។ ពួកគេ បានធ្លាក់ទៅលេខ៦ ហើយនឹងត្រូវជួប West Ham, Manchester United និង Tottenham Hotspur នៅប្រកួតជាបន្តបន្ទាប់ ។

Chelsea នឹងគ្មានខ្សែបម្រើ Mateo Kovacic បន្ទាប់ពីបានរងរបួសកជើង ក្នុងវគ្គពាក់កណ្តាលផ្តាច់ព្រ័ត្រ FA Cup ។ ខណៈពេលដែលការធ្វើរោគវិនិច្ឆ័យមិនទាន់មកដល់ Kovacic នឹងមិនមានវត្តមាន ជាមួយនឹង Ben Chilwell និង Callum Hudson-Odoi ។ Ross Barkley មានបញ្ហាសុខភាព ហើយមិនបានលេងនៅ FA Cup ឡើយ។

ខ្សែការពារស្តាំ Takehiro Tomiyasu របស់ Arsenal ត្រឡប់មកហ្វឹកហាត់វិញ បន្ទាប់ពីការអវត្តមាន ៣ខែ។ ខ្សែប្រយុទ្ធ Alexandre Lacazette ដែលបានខកខានការចាញ់ Southampton បន្ទាប់ពីបានធ្វើតេស្តវិជ្ជមានកូវីដ១៩។ Thomas Partey និង Kieran Tierney ទំនងជាមិនត្រូវបានគេឃើញម្តងទៀតនៅរដូវកាលនេះទេ។

Chelsea មិនបានឈ្នះ Arsenal ក្នុងទឹកដីរបស់ខ្លួន ចាប់តាំងពីការទទួលជ័យជម្នះ ៣-២ ក្នុងខែសីហា ឆ្នាំ២០១៨មក ក្នុងរជ្ឋកាលរបស់លោក Maurizio Sarri ។

នេះអាចជាជម្រើស១១នាក់ដំបូងរបស់ Chelsea ដែលអាចប្រើប្រាស់ទម្រង់ ៣-៤-៣ ៖

Edouard Mendy (GK); Trevoh Chalobah (CB), Thiago Silva (CB), Antonio Rudiger (CB); Reece James (RWB), N’Golo Kante (CM), Ruben Loftus-Cheek (CM), Marcos Alonso (LWB); Kai Havertz (RF), Timo Werner (ST), Mason Mount (LF)

នេះអាចជាជម្រើស១១នាក់ដំបូងរបស់ Arsenal ដែលអាចប្រើប្រាស់ទម្រង់ ៤-៥-១ ៖

Aaron Ramsdale (GK); Cedric Soares (RB), Ben White (CB), Gabriel (CB), Nuno Tavares (LB); Albert Sambi Lokonga (DM), Granit Xhaka (DM), Bukayo Saka (RM), Martin Odegaard (AM), Emile Smith Rowe (LM); Gabriel Martinelli (ST)

ក្រុមការងារនៅ CBS Sport បានទស្សន៍ទាយថា ក្រុមទាំងពីរ នឹងមានគ្រាប់បាល់សរុបរួម ៣គ្រាប់ ហើយលទ្ធផលសម្រាប់ការប្រកួតនោះគឺ ៖ Chelsea ១-២ Arsenal ។

កុំភ្លេចរង់ចាំទស្សនាការប្រកួតនៃក្របខណ្ឌ Premier League នៅ CTN និង MyTV បណ្ដើរ លេងឆាតកម្សាន្តបណ្តើរ តាមរយៈតេឡាក្រាមលេខទូរសព្ទ +85578666500 ប៉ុន្តែកុំភ្លេចដាក់រូបភាពពិតប្រាកដរបស់លោកអ្នកនៅតេឡេក្រាមផង ពេលនោះលោកអ្នក នឹងអាចឃើញសាររបស់លោកអ្នកនៅលើកញ្ចក់ទូរទស្សន៍៕

អត្ថបទទាក់ទង