លោក Erik ten Hag ក្លាយជាគ្រូបង្វឹកហុល្លង់ ដែលមានប្រាក់ខែខ្ពស់បំផុតនៅ EPL

Premier League
April 22nd, 2022 (3 years)
2700 Views
Share

អ្នកចាត់ការថ្មីរបស់ក្លិប Manchester United លោក Erik ten Hag នឹងក្លាយជាគ្រូបង្វឹកសញ្ជាតិហុល្លង់ ដែលមានប្រាក់ខែខ្ពស់បំផុតក្នុងប្រវត្តិសាស្ត្រ Premier League នៅពេលដែលលោក ចូលទៅដឹកនាំនៅកីឡដ្ឋាន Old Trafford នៅចុងបញ្ចប់នៃរដូវកាលនេះ។

គ្រូបង្វឹកវ័យ ៥២ឆ្នាំរូបនេះ នឹងជំនួសអ្នកចាត់ការបណ្តោះអាសន្ន លោក Ralf Rangnick ។ Ten Hag ដែលនឹងចាកចេញពីក្លិប Ajax បន្ទាប់ពីរយៈពេល ៥ឆ្នាំ ជាមួយក្លិបយក្សនៅទីក្រុង Amsterdam ។ លោក នឹងទទួលបានប្រាក់ឈ្នួលដ៏ច្រើនលើកិច្ចសន្យារយៈពេល ៣ឆ្នាំរបស់គាត់រហូតដល់ខែមិថុនា ឆ្នាំ២០២៥។

សេចក្ដីរាយការណ៍ពីប្រទេសហុល្លង់ បង្ហាញថា លោក Ten Hag នឹងរកបានច្រើនជាងលោក Louis van Gaal នៅពេលដែលគាត់ត្រូវបានតែងតាំងជាអ្នកចាត់ការទូទៅរបស់ Manchester United ក្នុងឆ្នាំ២០១៤ ទៅទៀត។ បើតាមការរាយការណ៍ដោយ De Telegraaf ប្រាក់ឈ្នួលរបស់ Ten Hag ដែលបច្ចុប្បន្នមិនត្រូវបានបញ្ជាក់ នឹងលើសពី ៣,៣ លានផោនក្នុងមួយឆ្នាំ។

កុំភ្លេចរង់ចាំទស្សនាការប្រកួតនៃក្របខណ្ឌ Premier League នៅ CTN និង MyTV បណ្ដើរ លេងឆាតកម្សាន្តបណ្តើរ តាមរយៈតេឡាក្រាមលេខទូរសព្ទ +85578666500 ប៉ុន្តែកុំភ្លេចដាក់រូបភាពពិតប្រាកដរបស់លោកអ្នកនៅតេឡេក្រាមផង ពេលនោះលោកអ្នក នឹងអាចឃើញសាររបស់លោកអ្នកនៅលើកញ្ចក់ទូរទស្សន៍៕

អត្ថបទទាក់ទង