Kurt Zouma របស់ West Ham ត្រូវបានតុលាការកោះហៅហើយ

Premier League
April 22nd, 2022 (2 years)
830 Views
Share

ខ្សែការពារ Kurt Zouma របស់ក្លិប West Ham United នឹងបង្ហាញខ្លួននៅតុលាការ សម្រាប់ការទាត់ឆ្មារបស់គាត់ បន្ទាប់ពីវគ្គផ្ដាច់ព្រ័ត្រ ការប្រកួត Europa League នៅខែក្រោយ។

ខ្សែការពារកណ្តាលរូបនេះ បានបង្កការខឹងសម្បារកាលពីខែកុម្ភៈ នៅពេលដែលវីដេអូលេចធ្លាយ បង្ហាញពីទង្វើរបស់គាត់ ដែលបានទាត់ និងទះឆ្មាចិញ្ចឹម។ កីឡាករវ័យ ២៧ ឆ្នាំរូបនេះ បានសុំទោស ហើយត្រូវបានពិន័យជាប្រាក់ ស្មើនឹងប្រាក់ឈ្នួលរបស់គេចំនួន ២សប្ដាហ៍ ដែលត្រូវបានបរិច្ចាគដល់អង្គការសប្បុរសធម៌សុខុមាលភាពសត្វ។

អង្គការសប្បុរសធម៌សុខុមាលភាពសត្វ បានដកហូតឆ្មាចិញ្ចឹមរបស់ Zouma ហើយបានបង្ហាញពីចេតនារបស់ពួកគេកាលពីខែមុន ដើម្បីកាត់ទោសអតីតកីឡាករ Chelsea សញ្ជាតិបារាំង ក្រោមច្បាប់សុខុមាលភាពសត្វ។

Zouma នឹងត្រូវបង្ហាញខ្លួននៅតុលាការ Barking Magistratesនៅថ្ងៃទី២៤ ខែឧសភា។ បច្ចុប្បន្ននេះ គេកំពុងសម្រាកព្យាបាលរបួស ហើយអាចនឹងខកខានការប្រកួតដែលនៅសល់នៃរដូវកាលនេះ។

កុំភ្លេចរង់ចាំទស្សនាការប្រកួតនៃក្របខណ្ឌ Premier League នៅ CTN និង MyTV បណ្ដើរ លេងឆាតកម្សាន្តបណ្តើរ តាមរយៈតេឡាក្រាមលេខទូរសព្ទ +85578666500 ប៉ុន្តែកុំភ្លេចដាក់រូបភាពពិតប្រាកដរបស់លោកអ្នកនៅតេឡេក្រាមផង ពេលនោះលោកអ្នក នឹងអាចឃើញសាររបស់លោកអ្នកនៅលើកញ្ចក់ទូរទស្សន៍៕

អត្ថបទទាក់ទង