Antonio Rudiger នឹងចាកចាញពី Chelsea នៅក្នុងទីផ្សារដោះដូរកីឡាករ នៅចុងរដូវកាលនេះ

Premier League
April 25th, 2022 (3 years)
1007 Views
Share

ខ្សែការពារ Antonio Rudiger របស់ Chelsea បានប្រាប់អ្នកចាត់ការ Thomas Tuchel ថា ខ្លួននឹងចាកចេញពីក្លិបនៅក្នុងទីផ្សារដោះដូរកីឡាករ នៅចុងបញ្ចប់នៃរដូវកាលនេះ បន្ទាប់ពីបរាជ័យក្នុងការយល់ព្រមលើកិច្ចព្រមព្រៀងថ្មី។

Rudiger វ័យ ២៩ ឆ្នាំ ទទួលសំណើដែលមានតម្លៃជាង ២០ម៉ឺនផោនក្នុងមួយសប្តាហ៍ ដែលនឹងធ្វើឱ្យគេក្លាយជាខ្សែការពារដែលមានប្រាក់ខែល្អបំផុតក្នុងប្រវត្តិសាស្ត្រក្លិប។

តម្លៃភ្នាក់ងារ ដែលទាមទារដោយភ្នាក់ងាររបស់ Rudiger គឺជាបញ្ហាធំរបស់ Chelsea ។ លោក Tuchel បានប្រាប់សារព័ត៌មាន Sky Sports ថា៖ “គេបានជូនដំណឹងដល់ខ្ញុំកាលពីប៉ុន្មានថ្ងៃមុននៅក្នុងការពិភាក្សាផ្ទាល់ខ្លួន”។ លោក Tuchel បានបន្ថែមថា៖ “យើងបានផ្តល់ឱ្យអ្វីគ្រប់យ៉ាងហើយឥឡូវនេះ យើងចូលទៅក្នុងស្ថានភាពដែលយើងមិនអាចស៊ូទ្រាំបានទៀតទេ ដោយសារតែការដាក់ទណ្ឌកម្ម ហើយឥឡូវនេះ Toni នឹងចាកចេញ” ។

Tuchel សង្ឃឹមថានឹងរក្សា Rudiger នៅ Chelsea ប៉ុន្តែកីឡាករអន្តរជាតិអាល្លឺម៉ង់ ត្រូវបានផ្សារភ្ជាប់យ៉ាងខ្លាំងជាមួយនឹងការផ្លាស់ទៅ Real Madrid ។ Chelsea ក៏អាចបាត់បង់ខ្សែការពារកណ្តាល Andreas Christensen នៅរដូវក្តៅនេះផងដែរ។ កីឡាករអន្តរជាតិដាណឺម៉ាក បានផុតកិច្ចសន្យានៅចុងបញ្ចប់នៃរដូវកាលនេះ ហើយនឹងត្រូវបានអនុញ្ញាតឱ្យចាកចេញដោយគ្មានតម្លៃខ្លួន ដោយ Barcelona បានយល់ព្រមលើកិច្ចព្រមព្រៀង ដើម្បីចុះហត្ថលេខាលើកីឡាករ ២៦ឆ្នាំ។

ស្ថានភាពហិរញ្ញវត្ថុរបស់ Chelsea មានភាពមិនច្បាស់លាស់ ចាប់តាំងពីម្ចាស់ Roman Abramovich បានដាក់លក់ក្លិបកាលពីខែមុន មុនពេលត្រូវបានដាក់ទណ្ឌកម្មដោយរដ្ឋាភិបាលចក្រភពអង់គ្លេស។ អ្នកដេញថ្លៃ ៣នាក់កំពុងព្យាយាមទិញក្លិបពីមហាសេដ្ឋីរុស្ស៊ីក្នុងតម្លៃជាង ២,៥ ពាន់លានផោន។

កុំភ្លេចរង់ចាំទស្សនាការប្រកួតនៃក្របខណ្ឌ Premier League នៅ CTN និង MyTV បណ្ដើរ លេងឆាតកម្សាន្តបណ្តើរ តាមរយៈតេឡាក្រាមលេខទូរសព្ទ +85578666500 ប៉ុន្តែកុំភ្លេចដាក់រូបភាពពិតប្រាកដរបស់លោកអ្នកនៅតេឡេក្រាមផង ពេលនោះលោកអ្នក នឹងអាចឃើញសាររបស់លោកអ្នកនៅលើកញ្ចក់ទូរទស្សន៍៕

អត្ថបទទាក់ទង