Arsenal ចង់ដាក់បញ្ចូល Pablo Mari ក្នុងការដេញថ្លៃដើម្បីចុះហត្ថលេខាលើខ្សែការពាររបស់ Udinese

Premier League
April 27th, 2022 (3 years)
879 Views
Share

Arsenal កំពុងតាមចែចង់ខ្សែការពារស្តាំរបស់ក្លិប Udinese កីឡាករ Nahuel Molina ដោយមានបំណងបញ្ចូល Pablo Mari ទៅក្នុងសំណើ។នេះបើយោងតាមរបាយការណ៍នៅក្នុងប្រទេសអ៊ីតាលី។

ក្រុមរបស់លោក Mikel Arteta បានជួបប្រទះបញ្ហាជាមួយខ្សែការពារខាងស្តាំ នៅរដូវកាលនេះ ដោយសារតែរបួសរបស់ Takehiro Tomiyasu ដោយពឹងផ្អែកលើ Cedric Soares ។

សេចក្ដីរាយការណ៍ថា Arsenal ចង់ចុះហត្ថលេខាលើ Molina នៅចុងបញ្ចប់នៃរដូវកាលនេះ។ កីឡាករអាហ្សង់ទីន វ័យ ២ឆ្នាំ ក៏ត្រូវបានក្លិប Juventus និង Atletico Madrid តាមដានផងដែរ។ ប៉ុន្តែ Arsenal ជាបេក្ខភាពដែលឈានមុខគេ ខណៈ Pablo Mari ត្រូវបានខ្ចីជើង នៅ Udinese តាំងពីខែមករា។

ក្លិបនៅក្របខណ្ឌ Serie A ចង់បាន Pablo Mari ជាអចិន្ត្រៃយ៍នៅចុងបញ្ចប់នៃរដូវកាលនេះ ហើយ Arsenal អាចនឹងដោះដូររវាង Mari និង Molina ។ ចំណែក Udinese បានដាក់តម្លៃ Molina ប្រហែល ៣០លានអឺរ៉ូ។

ទាក់ទងនឹងការផ្លាស់ប្តូរជាអចិន្ត្រៃយ៍សម្រាប់ Mari ក្នុងសប្តាហ៍នេះ នាយកផ្នែកកីឡារបស់ Udinese លោក Pierpaolo Marino បានបញ្ជាក់ថា ការឈានដល់កិច្ចព្រមព្រៀងជាមួយ Arsenal អាចជាការពិបាក។

កុំភ្លេចរង់ចាំទស្សនាការប្រកួតនៃក្របខណ្ឌ Premier League នៅ CTN និង MyTV បណ្ដើរ លេងឆាតកម្សាន្តបណ្តើរ តាមរយៈតេឡាក្រាមលេខទូរសព្ទ +85578666500 ប៉ុន្តែកុំភ្លេចដាក់រូបភាពពិតប្រាកដរបស់លោកអ្នកនៅតេឡេក្រាមផង ពេលនោះលោកអ្នក នឹងអាចឃើញសាររបស់លោកអ្នកនៅលើកញ្ចក់ទូរទស្សន៍៕

អត្ថបទទាក់ទង