អ្នកចាត់ការបណ្ដោះអាសន្ន Man Utd ទទួលការងារជាអ្នកចាត់ការក្រុមជម្រើសជាតិអូទ្រីស

Premier League
April 30th, 2022 (3 years)
887 Views
Share

លោក Ralf Rangnick នឹងក្លាយជាអ្នកចាត់ការទូទៅរបស់ក្រុមជម្រើសជាតិអូទ្រីស នៅពេលលោកចុះចេញពីតំណែងអ្នកចាត់ការក្រុម Manchester United នៅចុងរដូវកាលនេះ។

សារព័ត៌មាន Sportsmail បានរាយការណ៍ថា លោក Rangnick បានចុះហត្ថលេខាលើកិច្ចសន្យារយៈពេលពីរឆ្នាំរហូតដល់ Euro 2024 បន្ទាប់ពីគាត់ត្រូវបានជ្រើសរើសឱ្យជំនួសតំណែងលោក Franco Foda ។

Rangnick បាននិយាយថា៖ “វាជាកិត្តិយសដែលបានទទួលតួនាទីនេះ។ ខ្ញុំពិតជារំភើបជាខ្លាំងក្នុងការប្រជែងជើងឯកអឺរ៉ុបនៅប្រទេសអាល្លឺម៉ង់ជាមួយនឹងក្រុមវ័យក្មេងដែលស្រេកឃ្លានភាពជោគជ័យ”។

Rangnick នឹងនៅតែបន្តតួនាទីជាទីប្រឹក្សារយៈពេលពីរឆ្នាំ នៅ Old Trafford ។ អ្នកចាត់ការសញ្ជាតិអាល្លឺម៉ង់នៅសល់ការប្រកួតចំនួន ៣ទៀតមុនពេលប្រគល់ទៅឱ្យលោក Erik ten Hag ដែលនឹងចូលមកដឹកនាំក្រុមបិសាចក្រហម។

កុំភ្លេចរង់ចាំទស្សនាការប្រកួតនៃក្របខណ្ឌ Premier League នៅ CTN និង MyTV បណ្ដើរ លេងឆាតកម្សាន្តបណ្តើរ តាមរយៈតេឡាក្រាមលេខទូរសព្ទ +85578666500 ប៉ុន្តែកុំភ្លេចដាក់រូបភាពពិតប្រាកដរបស់លោកអ្នកនៅតេឡេក្រាមផង ពេលនោះលោកអ្នក នឹងអាចឃើញសាររបស់លោកអ្នកនៅលើកញ្ចក់ទូរទស្សន៍៕

អត្ថបទទាក់ទង