Premier League Preview៖ ការប្រកួត Spurs ទល់នឹង Leicester ផ្សាយបន្តផ្ទាល់នៅ MyTV យប់នេះ

Premier League
May 1st, 2022 (2 years)
967 Views
Share

Tottenham Hotspur នឹងប្រឹងប្រែងដើម្បីប្រជែងចំណាត់ថ្នាក់កំពូលទាំង៤ នៅ Premier League នៅពេលដែលពួកគេធ្វើជាម្ចាស់ផ្ទះទទួលក្រុម Leicester City នៅយប់ថ្ងៃអាទិត្យ ទី១ ខែឧសភា ឆ្នាំ២០២២ វេលាម៉ោង ២០:០០ នាទី ដែលមានផ្សាយបន្តផ្ទាល់ផ្ដាច់មុខនៅលើកញ្ចក់ទូរទស្សន៍ MyTV។

ការបរាជ័យក្នុងការទទួលជ័យជម្នះ ២ប្រកួតរបស់ Spurs ធ្វើឱ្យពួកគេដេញតាមពីក្រោយក្រុម Arsenal ។
ពួកគេ នឹងស្វែងរកជ័យជម្នះលើក្រុម Leicester ដែលលេងបង្គ្រប់កិច្ចសម្រាប់ក្របខណ្ឌ Premier League និងកំពុងចង់ឈ្នះពានរង្វាន់ Europa Conference League ។ ក្រុមរបស់លោក Brendan Rodgers ត្រូវបានស្មើក្នុងលទ្ធផល ១-១ ក្នុងវគ្គពាក់កណ្តាលផ្តាច់ព្រ័ត្រ ជើងទីមួយ ជាមួយនឹងក្រុម Roma ហើយនឹងធ្វើដំណើរទៅកាន់ប្រទេសអ៊ីតាលី ដើម្បីប្រជែងយកកៅអីមួយក្នុងវគ្គផ្តាច់ព្រ័ត្រនៅសប្ដាហ៍ក្រោយ។

សម្រាប់ Spurs មានកីឡាករ Matt Doherty និង Japhet Tanganga អវត្តមានរយៈពេលវែង ខណៈ Oliver Skipp មានបញ្ហាក្រលៀន នឹងអវត្តមានសម្រាប់ការប្រកួតដែលនៅសល់។

ចំណែក Leicester មានខ្សែការពារឆ្វេង Timothy Castagne ដែលបានរងរបួសនៅក្នុងការប្រកួតជាមួយ Roma ។ Ryan Bertrand និង Wilfred Ndidi ស្ថិតក្នុងការព្យាបាលរបួស។

នេះអាចជាជម្រើស១១នាក់ដំបូងរបស់ Spurs ដែលអាចប្រើប្រាស់ទម្រង់ ៣-៤-៣ ៖

Hugo Lloris (GK); Cristian Romero (CB), Eric Dier (CB), Ben Davies (CB); Emerson Royal (RM), Pierre-Emile Hojbjerg (CM), Rodrigo Bentancur (CM), Sergio Reguilon (LM); Dejan Kulusevski (AM), Son Heung-min (AM), Harry Kane (ST)

នេះអាចជាជម្រើស១១នាក់ដំបូងរបស់ Leicester ដែលអាចប្រើប្រាស់ទម្រង់ ៤-៣-៣ ៖

Kasper Schmeichel (GK); James Justin (RB), Caglar Soyuncu (CB), Daniel Amartey (CB), Luke Thomas (LB); Nampalys Mendy (DM), Boubakary Soumare (CM), James Maddison (CM); Ademola Lookman (RW), Kelechi Iheanacho (ST), Harvey Barnes (LW)

ក្រុមការងារនៅ CBS Sport បានទស្សន៍ទាយថា ក្រុមទាំងពីរ នឹងមានគ្រាប់បាល់សរុបរួមតិចជាង ៣គ្រាប់ ហើយលទ្ធផលសម្រាប់ការប្រកួតនោះគឺ ៖ Spurs ១-០ Leicester ។

កុំភ្លេចរង់ចាំទស្សនាការប្រកួតនៃក្របខណ្ឌ Premier League នៅ CTN និង MyTV បណ្ដើរ លេងឆាតកម្សាន្តបណ្តើរ តាមរយៈតេឡាក្រាមលេខទូរសព្ទ +85578666500 ប៉ុន្តែកុំភ្លេចដាក់រូបភាពពិតប្រាកដរបស់លោកអ្នកនៅតេឡេក្រាមផង ពេលនោះលោកអ្នក នឹងអាចឃើញសាររបស់លោកអ្នកនៅលើកញ្ចក់ទូរទស្សន៍៕

អត្ថបទទាក់ទង