Premier League Preview៖ គូ West Ham ប្រកួតជាមួយ Arsenal ផ្សាយបន្តផ្ទាល់នៅ CTN រាត្រីនេះ

Premier League
May 1st, 2022 (3 years)
1091 Views
Share

West Ham United និង Arsenal ត្រូវជួបគ្នានៅយប់ថ្ងៃអាទិត្យនេះ ដើម្បីប្រជែងតំណែងកំពូលទាំង៤ ក្នុងក្របខណ្ឌ Premier League ដែលនឹងផ្សាយបន្តផ្ទាល់ផ្ដាច់មុខនៅលើកញ្ចក់ទូរទស្សន៍ CTN ចាប់ពីម៉ោង ២២:៣០ នាទីតទៅ។

ក្រុមរបស់លោក David Moyes បានវិលត្រឡប់មកពីការបរាជ័យ ១-០ ក្រោមថ្វីជើង Chelsea ក្នុងក្របខណ្ឌ Premier League និងបានចាញ់ ២-១ ក្នុងជើងទីមួយនៃការប្រកួតវគ្គពាក់កណ្តាលផ្តាច់ព្រ័ត្រ Europa League ជាមួយនឹងក្រុម Eintracht Frankfurt ។

ក្រុម West Ham ត្រូវប្រឈមមុខនឹងក្រុម Arsenal ដែលកំពុងតែឡើងជើងវិញ។ បន្ទាប់ពីការបរាជ័យ៣លើកជាប់ៗគ្នា ក្រុមរបស់លោក Mikel Arteta បានទទួលជ័យជម្នះ ៤-២ លើ Chelsea និង ៣-១ លើក្រុម Manchester United ។

ខ្សែការពារ Craig Dawson របស់ West Ham ត្រូវបានព្យួរ។ ខ្សែការពារកណ្តាល Angelo Ogbonna និង Issa Diop មិនអាចចូលរួមបានឡើយ។ នៅតំបន់ផ្សេងទៀត ក្រុមញញួរយក្ស មិនមានបញ្ហាឡើយ។

Thomas Partey និង Kieran Tierney អវត្តមានសម្រាប់ក្រុម Arsenal ។ Takehiro Tomiyasu អាចនឹងត្រឡប់មកកាន់ការប្រកួត Premier League វិញក្រោយជាពីរបួស។

នេះអាចជាជម្រើស១១នាក់ដំបូងរបស់ West Ham ដែលអាចប្រើប្រាស់ទម្រង់ ៤-៣-៣ ៖

GK: Lukasz Fabianski; RB: Vladimir Coufal, CB: Ben Johnson, CB: Kurt Zouma, LB: Aaron Cresswell; CM: Mark Noble, CM: Declan Rice, AM: Nikola Vlasic; RW: Andriy Yarmolenko, ST: Michail Antonio, LW: Said Benrahma

នេះអាចជាជម្រើស១១នាក់ដំបូងរបស់ Arsenal ដែលអាចប្រើប្រាស់ទម្រង់ ៤-៣-៣ ៖

GK: Aaron Ramsdale; RB: Cedric Soares, CB: Ben White, CB: Gabriel, LB: Nuno Tavares; CM: Mohamed Elneny, CM: Granit Xhaka, AM: Martin Odegaard; RW: Bukayo Saka, ST: Eddie Nketiah, LW: Gabriel Martinelli

ក្រុមការងារនៅ CBS Sport បានទស្សន៍ទាយថា ក្រុមទាំងពីរ នឹងមានគ្រាប់បាល់សរុបរួម ៣គ្រាប់ ហើយលទ្ធផលសម្រាប់ការប្រកួតនោះគឺ ៖ West Ham ១-២ Arsenal ។

កុំភ្លេចរង់ចាំទស្សនាការប្រកួតនៃក្របខណ្ឌ Premier League នៅ CTN និង MyTV បណ្ដើរ លេងឆាតកម្សាន្តបណ្តើរ តាមរយៈតេឡាក្រាមលេខទូរសព្ទ +85578666500 ប៉ុន្តែកុំភ្លេចដាក់រូបភាពពិតប្រាកដរបស់លោកអ្នកនៅតេឡេក្រាមផង ពេលនោះលោកអ្នក នឹងអាចឃើញសាររបស់លោកអ្នកនៅលើកញ្ចក់ទូរទស្សន៍៕

អត្ថបទទាក់ទង