Leicester ធ្លាក់ក្រោមថ្វីជើង Roma ធ្វើឱ្យក្រុម Premier League តែ១គត់បានឡើងដល់ផ្ដាច់ព្រ័ត្រពានរង្វាន់អឺរ៉ុប

Premier League
May 6th, 2022 (3 years)
4807 Views
Share

Leicester City តំណាងមកពីក្របខណ្ឌ Premier League បានខកខានឱកាសក្នុងការឡើងទៅកាន់វគ្គផ្ដាច់ព្រ័ត្រ ពានរង្វាន់ Europa Conference League ក្រោយចាញ់ Roma មកពីក្របខណ្ឌ Serie A ក្នុងលទ្ធផល ១-០ នៅជើងទីពីរ វគ្គពាក់កណ្ដាលផ្ដាច់ព្រ័ត្រ យប់មិញ។

ការតែតបាល់បញ្ចូលទីរបស់អតីតកីឡាករ Chelsea ខ្សែប្រយុទ្ធ Tammy Abraham សម្រាប់ក្រុមម្ចាស់ផ្ទះ បានផ្ដល់ជ័យជម្នះតែមួយគ្រាប់គត់សម្រាប់ជើងទីពីរ ខណៈ Leicester ព្យាយាមរកគ្រាប់បាល់តែមិនបានសម្រេច នៅកីឡដ្ឋាន Stadio Olimpico ។

គ្រាប់បាល់របស់ខ្សែប្រយុទ្ធអង់គ្លេស គឺគ្រប់គ្រាន់ដើម្បីរារាំងក្រុម Leicester ឈានដល់វគ្គផ្តាច់ព្រ័ត្រពានរង្វាន់អឺរ៉ុប ជាលើកទីមួយ បន្ទាប់ពីជើងទីមួយ បានបញ្ចប់ក្នុងលទ្ធផល ១-១ នៅកីឡដ្ឋាន King Power។

វានឹងក្លាយជាការប្រកួតវគ្គផ្តាច់ព្រ័ត្រពានរង្វាន់អឺរ៉ុបជាលើកដំបូងរបស់ក្រុមមកពីអ៊ីតាលី ចាប់តាំងពីឆ្នាំ១៩៩១ ដែលពួកគេនឹងត្រូវជួបជាមួយនឹងក្រុម Feyenoord ដែលបានស្មើ ០-០ ជាមួយ Marseille សម្រាប់ជ័យជម្នះសរុប ៣-២ ។ អ្នកចាត់ការក្រុម Roma លោក Jose Mourinho នឹងមានបំណងចង់លើកពានអឺរ៉ុបជាលើកទី៦ ក្នុងអាជីពរបស់ខ្លួន។

បរាជ័យរបស់ Leicester មានន័យថា ក្រុមមកពី Premier League តែមួយគត់ ដែលបានឈានដល់វគ្គផ្ដាច់ព្រ័ត្រ ពានរង្វាន់អឺរ៉ុប ពោលគឺ Liverpool ដែលត្រូវជួប Real Madrid នៅពានរង្វាន់ UEFA Champions League ។ ដោយឡែក West Ham United ឯណោះវិញ បានបញ្ចប់យុទ្ធនាការរបស់ខ្លួន នៅត្រឹមវគ្គពាក់កណ្ដាលផ្ដាច់ព្រ័ត្រ ពានរង្វាន់ UEFA Europa League កាលពីយប់មិញផងដែរ បន្ទាប់ពីចាញ់ក្រុម Eintracht Frankfurt ។

កុំភ្លេចរង់ចាំទស្សនាការប្រកួតនៃក្របខណ្ឌ Premier League នៅ CTN និង MyTV បណ្ដើរ លេងឆាតកម្សាន្តបណ្តើរ តាមរយៈតេឡាក្រាមលេខទូរសព្ទ +85578666500 ប៉ុន្តែកុំភ្លេចដាក់រូបភាពពិតប្រាកដរបស់លោកអ្នកនៅតេឡេក្រាមផង ពេលនោះលោកអ្នក នឹងអាចឃើញសាររបស់លោកអ្នកនៅលើកញ្ចក់ទូរទស្សន៍៕

អត្ថបទទាក់ទង