Premier League Preview៖ ការប្រកួត Chelsea ទល់នឹង Wolves ផ្សាយបន្តផ្ទាល់នៅ MyTV យប់នេះ

Premier League
May 7th, 2022 (3 years)
1248 Views
Share

Chelsea និង Wolves នឹងជួបគ្នានៅកីឡដ្ឋាន Stamford Bridge របស់ក្រុមតោខៀវ នៅយប់ថ្ងៃសៅរ៍នេះ ដែលមានផ្សាយបន្តផ្ទាល់ផ្ដាច់មុខនៅលើកញ្ចក់ទូរទស្សន៍ MyTV ចាប់ពីម៉ោង ៩:០០ នាទីយប់តទៅ។

ក្រុមតោខៀវ Chelsea បានឈ្នះតែមួយប្រកួតប៉ុណ្ណោះក្នុងចំណោមការប្រកួត Premier League ៤លើកចុងក្រោយរបស់ពួកគេ ដែលថ្មីៗនេះបានស្មើជាមួយក្រុម Manchester United និងបរាជ័យពេលជួប Everton ។

Wolves រំពឹងថានឹងបញ្ចប់ក្នុងចំណាត់ថ្នាក់កំពូលទាំង៧។ ជ័យជម្នះលើ Chelsea ហាក់មិនអាចទៅរួចទេ ជាមួយនឹងការចាញ់ ៣ប្រកួតជាប់ៗគ្នា។ ការចាញ់ក្នុងផ្ទះ ៣-០ ក្រោមថ្វីជើង Brighton កាលពីលើកមុន បង្ហាញពីទម្រង់មិនប្រសើរទាល់តែសោះ ក្រោយចាញ់ ១-០ លើក្រុម Newcastle និង Burnley ។

Jorginho ត្រូវបានប្ដូរចេញក្នុងការចាញ់ Everton បន្ទាប់ពីបង្ហាញអាការរបួស ដែលធ្វើឱ្យការបង្ហាញខ្លួននៅយប់នេះ មិនទាន់ច្បាស់សម្រាប់កីឡាករអន្តរជាតិអ៊ីតាលី។ ក្រុមតោខៀវ នឹងនៅតែដោយគ្មាន Ben Chilwell និង Callum Hudson-Odoi ។

លោក Bruno Lage អ្នកចាត់ការក្រុមភ្ញៀវ Wolves នឹងគ្មាន Nelson Semedo សម្រាប់ការជ្រើសរើសឡើយ ដោយសារតែបញ្ហាភ្លៅ។ Max Kilman និង Daniel Podence សុទ្ធតែមិនអាចចូលរួមក្នុងការប្រកួតនេះបានឡើយ។

កាលពីដើមរដូវកាល ក្រុមទាំងពីរ មិនអាចរកគ្រាប់បាល់ស៊ុតបញ្ចូលទីគ្នាឡើយ ក្នុងលទ្ធផលស្មើ ០-០ ។

នេះអាចជាជម្រើស១១នាក់ដំបូងរបស់ Chelsea ដែលអាចប្រើប្រាស់ទម្រង់ ៣-៤-៣ ៖

GK: Edouard Mendy; CB: Cesar Azpilicueta, CB: Thiago Silva, CB: Antonio Rudiger; RWB: Reece James, CM: N’Golo Kante, CM: Mateo Kovacic, LWB: Marcos Alonso; RF: Mason Mount, ST: Kai Havertz, LF: Christian Pulisic

នេះអាចជាជម្រើស១១នាក់ដំបូងរបស់ Wolves ដែលអាចប្រើប្រាស់ទម្រង់ ៣-៤-៣ ៖

GK: Jose Sa; CB: Willy Boly, CB: Conor Coady, CB: Romain Saiss; RWB: Jonny, CM: Ruben Neves, CM: Joao Moutinho, LWB: Rayan Ait-Nouri; RF: Hwang Hee-Chan, ST: Raul Jimenez, RF: Pedro Neto

ក្រុមការងារនៅ CBS Sport បានទស្សន៍ទាយថា ក្រុមទាំងពីរ នឹងមានគ្រាប់បាល់សរុបរួមតិចជាង ៣គ្រាប់ ហើយលទ្ធផលសម្រាប់ការប្រកួតនោះគឺ ៖ Chelsea ១-០ Wolves ។

កុំភ្លេចរង់ចាំទស្សនាការប្រកួតនៃក្របខណ្ឌ Premier League នៅ CTN និង MyTV បណ្ដើរ លេងឆាតកម្សាន្តបណ្តើរ តាមរយៈតេឡាក្រាមលេខទូរសព្ទ +85578666500 ប៉ុន្តែកុំភ្លេចដាក់រូបភាពពិតប្រាកដរបស់លោកអ្នកនៅតេឡេក្រាមផង ពេលនោះលោកអ្នក នឹងអាចឃើញសាររបស់លោកអ្នកនៅលើកញ្ចក់ទូរទស្សន៍៕

អត្ថបទទាក់ទង