×

Man City រង់ចាំអ៊ុតលទ្ធផលប្រកួតចុងក្រោយ និងលទ្ធផល Liverpool ដើម្បីលើកពាន EPL បន្ទាប់ពីស្មើយប់មិញ

Manchester City បានវាយបកតាមពីក្រោយការនាំមុខចំនួន២គ្រាប់ជាលើកដំបូង ក្រោមការដឹកនាំរបស់លោក Pep Guardiola ដើម្បីស្វែងរកបាន ១ពិន្ទុនៅលើទឹកដីក្រុម West Ham ដែលមានន័យថា ការទទួលជ័យជម្នះលើក្រុម Aston Villa នៅក្នុងការប្រកួតចុងក្រោយនឹងធ្វើឱ្យពួកគេក្លាយជាម្ចាស់ជើងឯក Premier League។

ក្រុម West Ham បាននាំមុខ២គ្រាប់ដោយការស៊ុតបញ្ចូលទីបានពីរគ្រាប់របស់ Jarrod Bowen បន្ទាប់ពីការប្រកួតបាន ២៤នាទី និងចុងវគ្គទីមួយ។ ប៉ុន្តែ ៤នាទីក្រោយកញ្ចែចូលវគ្គទីពីរ Jack Grealish បានផ្ដល់ក្ដីសង្ឃឹមសម្រាប់ក្រុម Man City ដោយធ្វើបានសម្រេចគ្រាប់ដំបូងនៃការវាយបក។ នៅនាទីទី៦៩ West Ham បានបង្កកំហុសចេញពីខ្សែការពារ Vladimir Coufal ដោយធ្វើឱ្យបាល់ចូលទីខ្លួនឯងពីការតែតបាល់ពិន័យហ្វ្រីឃីករបស់ Riyad Mahrez ។

លទ្ធផល ២-២ បានរក្សារហូតដល់ចប់ការប្រកួត។ Man City បានជៀសផុតពីការបរាជ័យ បន្ទាប់ពីវាយបកពីការនាំមុខចំនួនពីរគ្រាប់របស់គូប្រកួត ក្នុងការប្រកួតក្របខណ្ឌលីគកំពូលជាលើកដំបូង ចាប់តាំងពីឆ្នាំ២០១២។

លោក Pep Guardiola បានបង្ហាញការសោកស្ដាយចំពោះលទ្ធផលនេះ។ Liverpoolនៅមានឱកាសប្រជែងពានរង្វាន់ជាមួយ Man City នៅពេលពួកគេប្រកួតជាមួយ Southampton នៅពាក់កណ្ដាលសប្ដាហ៍នេះ សម្រាប់សប្បាហ៍ទី៣៧ ហើយបើឈ្នះ ពួកគេនឹងអាចកាត់បន្ថយគម្លាតមកត្រឹម ១ពិន្ទុ ដោយសល់១ប្រកួតក្នុងដៃ។

កុំភ្លេចរង់ចាំទស្សនាការប្រកួតនៃក្របខណ្ឌ Premier League នៅ CTN និង MyTV បណ្ដើរ លេងឆាតកម្សាន្តបណ្តើរ តាមរយៈតេឡាក្រាមលេខទូរសព្ទ +85578666500 ប៉ុន្តែកុំភ្លេចដាក់រូបភាពពិតប្រាកដរបស់លោកអ្នកនៅតេឡេក្រាមផង ពេលនោះលោកអ្នក នឹងអាចឃើញសាររបស់លោកអ្នកនៅលើកញ្ចក់ទូរទស្សន៍៕

អ្នកអាចចែករំលែកដោយ៖

អត្ថបទទាក់ទង