×

អ្នកចាត់ការក្លិបលីគទីពីរអង់គ្លេសសម្រេចចិត្តដើរចេញ ដើម្បីមកធ្វើជំនួយការរបស់ Steven Gerrard

លោក Neil Critchley អ្នកចាត់ការរបស់ក្លិប Blackpool បានសម្រេចចិត្តចាកចេញពីក្លិបនេះ ដើម្បីទៅធ្វើជាជំនួយការរបស់លោក Steven Gerrard អ្នកចាត់ការទូទៅរបស់ក្លិប Aston Villa នៃក្របខណ្ឌ Premier League ។

ការតែងតាំងរបស់ Critchley នៅកីឡដ្ឋាន Villa Park ទុកឱ្យក្រុមមកពីក្របខណ្ឌលីគទីពីរអង់គ្លេស ឬ Championship ស្វែងរកអ្នកចាត់ការថ្មី។

បុរសអាយុ ៤៣ឆ្នាំដែលបានដឹកនាំ Blackpool ឱ្យចាកចេញពីលីគទី៣ ឬ League One កាលពីរដូវកាលឆ្នាំ២០២០-២១ ធ្លាប់ស្គាល់ Gerrard ពីពេលវេលារបស់គាត់ធ្វើការនៅសាលាថ្នាលរបស់ក្លិប Liverpool ដែលគាត់បានបង្វឹកក្រុមអាយុក្រោម ១៨ឆ្នាំ និងអាយុក្រោម ២៣ឆ្នាំ។ គាត់នឹងជំនួសតំណែងលោក Michael Beale ដែលចាកចេញទៅកាន់តំណែងជាអ្នកចាត់ការថ្មីរបស់ក្លិប QPR ។

លោក Critchley បានទទួលជោគជ័យដ៏ធំធេងនៅកីឡដ្ឋាន Bloomfield Road បន្ទាប់ពីការតែងតាំងគាត់កាលពីខែមីនា ឆ្នាំ២០២០ ដោយបានដឹកនាំក្លិបត្រលប់ទៅលីគទីពីរវិញ តាមរយៈវគ្គ Play-off ៕

អ្នកអាចចែករំលែកដោយ៖

អត្ថបទទាក់ទង