Mo Salah បដិសេធសំណើរបស់ក្លិប Liverpool ក្នុងការស្កេនរបួស

Premier League
June 7th, 2022 (2 years)
1511 Views
Share

Mohamed Salah បានច្រានចោលសំណើរបស់ Liverpool ក្នុងការស្កេនរបួស មុនការប្រកួតដែលខ្លួនលេង ៩០នាទីសម្រាប់ក្រុមជម្រើសជាតិអេហ្ស៊ីបកាលពីថ្ងៃអាទិត្យកន្លងទៅ។

កីឡាករវ័យ ២៩ឆ្នាំរូបនេះ បានជួយឱ្យក្រុមរបស់ខ្លួន ឈ្នះក្រុមហ្គីណេ ដោយលទ្ធផល ១-០ ក្នុងទីក្រុងខៃរ៉ូ ខណៈដែលអេហ្ស៊ីប បានចាប់ផ្តើមយុទ្ធនាការជម្រុះរបស់ពួកគេសម្រាប់ការប្រកួត Africa Cup of Nations ឆ្នាំក្រោយ។

អ្នកចាត់ការ Ehab Galal បាននិយាយថា៖ “Salah បានរងរបួស ប៉ុន្តែបានលេងទាំងរបួស។ លោកបានបន្ថែមថា ការថតកាំរស្មីអ៊ីចរបស់ Salah នឹងធ្វើឡើងបន្ទាប់ពីការប្រកួត។

អេហ្ស៊ីប គ្រោងនឹងប្រកួតជាទល់នឹង អេត្យូពី នៅរដ្ឋធានី Lilongwe នៃប្រទេសម៉ាឡាវី នៅថ្ងៃទី៩ ខែមិថុនា និងប្រកួតមិត្តភាពជាមួយកូរ៉េខាងត្បូង នៅថ្ងៃអង្គារ សប្ដាហ៍បន្ទាប់។

ក្នុងអំឡុងវគ្គទីមួយ នៃការប្រកួតវគ្គផ្តាច់ព្រ័ត្រ ពានរង្វាន់ FA Cup របស់ Liverpool ទល់នឹង Chelsea កាលពីខែមុន Salah ត្រូវបានប្តូរចេញដោយបញ្ហាក្រលៀន បន្ទាប់ពីលេងបានត្រឹមតែ ៣៣នាទីប៉ុណ្ណោះ។ របួសនេះ ក៏បានធ្វើឱ្យគេត្រូវអវត្តមានពីការទទួលជ័យជម្នះក្រៅដីរបស់ក្រុមហង្សក្រហមនៅ Southampton ៣ថ្ងៃបន្ទាប់ នៅក្របខណ្ឌ Premier League ។

អនាគតរបស់ Salah នៅតែមិនច្បាស់លាស់ ខណៈដែលគេមិនទាន់បានចុះកុងត្រាថ្មីជាមួយក្លិបនៅឡើយ ទោះបីជាកិច្ចសន្យាបច្ចុប្បន្នរបស់គេ នឹងបញ្ចប់នៅខែមិថុនា ឆ្នាំ២០២៣ ក៏ដោយ។

ម្ចាស់ស្បែកជើងមាសរដូវកាល ២០២១-២២ របស់ EPL បាននិយាយមុនពេលការប្រកួតវគ្គផ្តាច់ព្រ័ត្រ Champions League កាលពីខែឧសភា ថា ខ្លួននឹងបន្តនៅកីឡដ្ឋាន Anfield នារដូវកាលក្រោយ៕

អត្ថបទទាក់ទង