×

Spurs សម្រេចការផ្ទេរខ្សែបម្រើ Yves Bissouma ពី Brighton

Tottenham Hotspur បានបញ្ចប់ការចុះហត្ថលេខាលើខ្សែបម្រើ Yves Bissouma ពី Brighton ដែលការប្រកាសនឹងធ្វើឡើងនៅពេលប៉ុន្មានម៉ោងខាងមុខនេះ។

កីឡាករអន្តរជាតិម៉ាលីរូបនេះ មានតម្លៃគឺ ៥០លានផោនកាលពី៥ខែមុន ប៉ុន្តែ Spurs បានចរចាមកសល់ត្រឹមតែ ២៥ លានផោន បូកប្រាក់បន្ថែម។

កីឡាករអន្តរជាតិម៉ាលី វ័យ ២៥ឆ្នាំរូបនេះ ធ្វើបានល្អនៅក្របខណ្ឌ Premier League ដែលជាកីឡាករដ៏សំខាន់បំផុតមួយរូបសម្រាប់ Brighton ក្នុងរយៈពេលប៉ុន្មានរដូវកាលចុងក្រោយនេះ។ ប៉ុន្តែ គេនៅសល់តែមួយឆ្នាំទៀតប៉ុណ្ណោះក្នុងកិច្ចសន្យារបស់គាត់។

ក្រុមរបស់លោក Antonio Conte បានចុះកិច្ចព្រមព្រៀងជាមួយ Bissouma យ៉ាងឆាប់រហ័ស ដើម្បីកុំឱ្យ Manchester United និង Arsenal ឆក់យករូបគេមុន៕

អ្នកអាចចែករំលែកដោយ៖

អត្ថបទទាក់ទង