×

Erling Haaland បង្ហើបថា ចង់ជួប Man Utd បំផុតក្រោយផ្លាស់មក Man City

Erling Haaland ត្រូវបានបង្ហាញជាកីឡាកររបស់ Manchester City កាលពីថ្ងៃអាទិត្យ ហើយភ្លាមៗនោះ ខ្សែប្រយុទ្ធរូបនេះ បានអះអាងថា ខ្លួនចង់ប្រកួតជាមួយ Manchester United។

កីឡាករវ័យ 21 ឆ្នាំបានចូលរួមជាមួយក្រុមមេឃខៀវ ពីក្លិប Borussia Dortmund ក្នុងកិច្ចព្រមព្រៀង 60 លានអឺរ៉ូ កាលពីខែមុន ខណៈក្លិបបានប្រកាសពីការចុះហត្ថលេខាលើកីឡាករចំនួន 4 នាក់ នៅចំពោះមុខអ្នកគាំទ្ររាប់រយនាក់ដែលបានប្រមូលផ្តុំគ្នានៅខាងក្រៅកីឡដ្ឋាន Etihad ។

នៅពេលសួរថាតើក្រុមណាដែលខ្លួនចង់ប្រកួតជាមួយខ្លាំងបំផុត Haaland បានឆ្លើយតបថា៖ “ខ្ញុំមិនចង់និយាយពាក្យនេះទេ ប៉ុន្តែ គឺ Manchester United”។

ឪពុករបស់គាត់ Alf-Inge បានលេងឱ្យ Man City នៅដើមទសវត្សរ៍ឆ្នាំ 2000 ហើយគាត់បានសារភាពថា គាត់ជាម្ចាស់អាវយឺតរបស់ Sergio Aguero ដោយអះអាងថា អ្នកស៊ុតបញ្ចូលទីច្រើនជាងគេរបស់ក្លិបគឺជាគំរូសម្រាប់គាត់។

Haaland ត្រូវបានបង្ហាញជាមួយ Julian Alvarez, Stefan Ortega Moreno និង Kalvin Phillips ទោះបីជា Phillips មិនអាចចូលរួមព្រឹត្តិការណ៍នេះ ដោយផ្ទាល់ដោយសារតែជំងឺក៏ដោយ៕

អ្នកអាចចែករំលែកដោយ៖

អត្ថបទទាក់ទង