ខ្សែការពារ Kalidou Koulibaly ព្រមចុះកុងត្រា 4 ឆ្នាំជាមួយ Chelsea

Premier League
July 14th, 2022 (2 years)
643 Views
Share

Chelsea គ្រោងនឹងចុះហត្ថលេខាលើខ្សែការពារសញ្ជាតិសេណេហ្គាល់ Kalidou Koulibaly ពី Napoli ក្នុងកិច្ចសន្យារយៈពេល 4 ឆ្នាំ។

កីឡាករវ័យ 31 ឆ្នាំរូបនេះ បានហោះទៅទីក្រុងឡុងដ៍កាលពីថ្ងៃពុធ ដើម្បីពិនិត្យសុខភាព និងបញ្ចប់ការផ្ទេរមុនពេលគាត់ចូលរួមជាមួយ Chelsea ក្នុងដំណើរទេសចរណ៍នៅសហរដ្ឋអាមេរិករបស់ពួកគេ។ Chelsea ក៏ជិតនាំយកខ្សែការពារកណ្តាលរបស់ Manchester City កីឡាករ Nathan Ake ផងដែរ។

អ្នកទាំងពីរ នឹងជំនួសចន្លោះប្រហោងនៅតំណែងរបស់ Antonio Rudiger និង Andreas Christensen ដែលបានចាកចេញទៅ Real Madrid និង Barcelona ។

កាលពីព្រឹកថ្ងៃពុធ Chelsea បានបញ្ជាក់ពីការចុះហត្ថលេខាលើខ្សែប្រយុទ្ធជម្រើសជាតិអង់គ្លេស Raheem Sterling ពី Manchester City ក្នុងកិច្ចសន្យាតម្លៃ 50 លានផោនផងដែរ។

Koulibaly ដែលបានទាក់ទាញចំណាប់អារម្មណ៍ពីក្លិបជាច្រើននៅ Premier League បានចូលរួមជាមួយ Napoli ពីក្រុម Genk កាលពីឆ្នាំ 2014 និងបានបង្ហាញខ្លួន 317 ប្រកួតសម្រាប់ក្រុមកំពូលតារាងអ៊ីតាលី។

Chelsea កំពុងហ្វឹកហាត់នៅសាកលវិទ្យាល័យ California ហើយ Koulibaly នឹងចូលរួមជាមួយក្រុមនៅ LA ឬ Las Vegas។ Sterling អាចនឹងអាចលេងក្នុងការប្រកួតបើកឆាករបស់ក្រុមតោខៀវ ក្នុងទីក្រុង Las Vegas នៅថ្ងៃសៅរ៍ ទល់នឹង Club America។

កូនក្រុមរបស់លោក Thomas Tuchel នឹងបន្តជួបជាមួយ Charlotte FC នៅ Charlotte នៅថ្ងៃពុធ ទី 20 ខែកក្កដា មុនពេលជួបក្រុម Arsenal ក្នុងទីក្រុង Orlando នៅថ្ងៃទី 23 ខែកក្កដា៕

អត្ថបទទាក់ទង