Pep Guardiola បំភ្លឺពីទំនាក់ទំនាក់រវាង Man City និង Neymar

Premier League
July 21st, 2022 (2 years)
980 Views
Share

លោក Pep Guardiola បានបញ្ជាក់ថា Manchester City នឹងមិនចុះហត្ថលេខាជាមួយ Neymar នៅទីផ្សារដោះដូរកីឡាករមុនបើករដូវកាលថ្មីខាងមុខនេះទេ។

Man City ត្រូវបានរាយការណ៍ថាបានចាប់អារម្មណ៍លើ Neymar នៅក្នុងប្រព័ន្ធផ្សព្វផ្សាយរបស់ប្រទេសបារាំងក្នុងសប្តាហ៍នេះ ដោយមានការលើកឡើងថា ក្រុមមេឃខៀវ នឹងផ្ទេរយកខ្សែប្រយុទ្ធរបស់ Paris Saint-Germain មុនពេលបញ្ចប់ទីផ្សារដោះដូរកីឡាករ។

Man City បានបាត់បង់កីឡាករ Raheem Sterling និង Gabriel Jesus នៅក្នុងទីផ្សារដោះដូរកីឡាករនេះ ប៉ុន្តែទិញបាន Erling Haaland និង Julian Alvarez ។

ទោះបីជាយ៉ាងណាក៏ដោយ ក៏លោក Guardiola បានច្រានចោលរបាយការណ៍នេះ ដោយប្រាប់ប្រព័ន្ធផ្សព្វផ្សាយនៅទីក្រុង Houston មុនពេលការប្រកួតមិត្តភាពរបស់ Man City ជាមួយ Club America ថា វាមិនមែនជាការពិតទេចំពោះការលើកឡើងថា Neymar នឹងផ្លាស់ទៅកីឡដ្ឋាន Etihad ។ គាត់បាននិយាយថា៖ “ខ្ញុំសុំទោសចំពោះ Le Parisien ប៉ុន្តែវាមិនមែនជាការពិតទេ”។

“ព័ត៌មានរបស់ពួកគេមិនត្រឹមត្រូវទេ Neymar គឺជាកីឡាករឆ្នើម ហើយខ្ញុំដឹងថាគេគឺជាបុគ្គលដ៏ល្អម្នាក់។ ប៉ុន្តែវាមិនត្រឹមត្រូវទេ ដែលថា រាល់រដូវក្តៅ Manchester City នឹងទិញកីឡាករ 150 នាក់”៕

អត្ថបទទាក់ទង