Dean Henderson ចាត់ទុកទង្វើរបស់ Man Utd មកលើខ្លួន ថាជាអំពើ “ឧក្រិដ្ឋ”

Premier League
August 3rd, 2022 (2 years)
1380 Views
Share

អ្នកចាំទី Dean Henderson បានពណ៌នាទង្វើរបស់ក្លិប Manchester United មកលើខ្លួនកាលពីរដូវកាលមុនថាជា អំពើ “ឧក្រិដ្ឋ”។

កីឡាករអន្តរជាតិអង់គ្លេសវ័យ 25 ឆ្នាំ បានចូលរួមជាមួយក្លិប Nottingham Forest ក្នុងកិច្ចសន្យាខ្ចីជើងពេញមួយរដូវកាល បន្ទាប់ពីបរាជ័យក្នុងការដណ្តើមយកតំណែងអ្នកចាំទីដៃទីមួយពី David de Gea នៅកីឡដ្ឋាន Old Trafford ។

Henderson បាននិយាយថា ក្រុមបិសាចក្រហម បានសន្យាថាគាត់នឹងក្លាយជាអ្នកចាំទីដៃទីមួយ កាលពីរដូវកាលមុន ប៉ុន្តែគេត្រូវបានអវត្តមានក្នុងព្រឹត្តិការណ៍ Euro 2020 ដោយសាររបួស និងបានឆ្លង Covid-19 នៅដើមរដូវកាលមុន។ អ្នកចាំទីរូបនេះបាននិយាយថា គាត់ហត់នឹងការអង្គុយបម្រុង។

Henderson បន្តថាខ្លួនមិនបាននិយាយជាមួយអ្នកចាត់ការទូទៅលោក Erik ten Hag ចាប់តាំងពីការមកដល់របស់គាត់នៅក្នុងខែឧសភា។ “វាជាការខកចិត្ត ព្រោះខ្ញុំបានបដិសេធក្លិបជាច្រើនដែលទាក់ទងខ្ញុំទៅលេងក្នុងលក្ខខណ្ឌខ្ចីជើង កាលពីរដូវក្តៅមុនដោយសារហេតុផលនោះ ហើយក្លិបមិនអនុញ្ញាតឱ្យខ្ញុំទៅទេ”។

Henderson បានក្លាយជាជម្រើសដំបូងក្រោមការដឹកនាំរបស់លោក Ole Gunnar Solskjaer ក្នុងពាក់កណ្តាលទីពីរនៃរដូវកាល 2020-21 ប៉ុន្តែមិនត្រូវបានជ្រើសរើសសម្រាប់វគ្គផ្តាច់ព្រ័ត្រ Europa League ទល់នឹង Villarreal ទេ។

Henderson បន្តថា៖ “ទៅអង្គុយនៅទីនោះរយៈពេល 12 ខែ វាពិតជាបទឧក្រិដ្ឋមួយសម្រាប់ខ្ញុំ។ ខ្ញុំមិនពេញចិត្តឡើយ។ ខ្ញុំបានប្រាប់ក្លិបថា ខ្ញុំត្រូវតែលេង ហើយស្នើសុំការអនុញ្ញាតឱ្យខ្ញុំចាកចេញទៅ ហើយខ្ញុំស្ទើរតែបានសម្រេចបំណងទៅហើយ មុនអ្នកគ្រប់គ្រង [Erik ten Hag ] មកដល់ ខ្ញុំមិនបាននិយាយជាមួយគាត់តាំងពីពេលនោះមក។

“ខ្ញុំបានខិតខំយ៉ាងលំបាកទាំងនៅលើ និងក្រៅទីលាន ដើម្បីបន្តធ្វើឱ្យប្រសើរឡើងពីមួយថ្ងៃទៅមួយថ្ងៃ ហើយឥឡូវនេះ ខ្ញុំកំពុងទន្ទឹងរង់ចាំរដូវកាលថ្មីជាមួយនឹង Nottingham Forest”៕

អត្ថបទទាក់ទង