Chelsea ស៊ើបអង្កេតទាក់ទងនឹងការរើសអើងជាតិសាសន៍លើ Son Heung-min

Premier League
August 18th, 2022 (2 years)
5229 Views
Share

ក្រុមតោខៀវ Chelsea កំពុងស៊ើបអង្កេតលើការចោទប្រកាន់ពីការរើសអើងជាតិសាសន៍ ទៅលើកីឡាករ Son Heung-min អំឡុងពេលប្រកួតស្មើ 2-2 ជាមួយក្រុម Tottenham Hotspur ។

ខ្សែប្រយុទ្ធកូរ៉េខាងត្បូង បានចាប់ផ្តើមការប្រកួតនៅទីក្រុងឡុងដ៍ និងលេងបានត្រឹមនាទីទី 79 មុនពេលត្រូវបានជំនួសដោយ Yves Bissouma ។ ឧប្បត្តិហេតុនេះ ត្រូវបានគេជឿថាបានកើតឡើងនៅក្នុងវគ្គទីពីរនៅពេលដែល Son បានទៅកាន់ជ្រុងមួយនៅ Shed End ។

កាលពីឆ្នាំ 2019 អ្នកគាំទ្រ West Ham ម្នាក់ត្រូវបានផាកពិន័យពីបទរើសអើងពូជសាសន៍អំឡុងពេលការប្រកួត Carabao Cup ។ ពីរឆ្នាំក្រោយមក Manchester United បានព្យួរអ្នកគាំទ្រចំនួន 3 នាក់ បន្ទាប់ពីពួកគេបានរើសអើងជាតិសាសន៍លើ Son តាមអ៊ីនធឺណិត។

ការប្រកួតនេះរួមបញ្ចូលទាំងពេលវេលាដ៏ចម្រូងចម្រាសជាច្រើន ដោយលោក Thomas Tuchel គ្រូបង្វឹកក្រុមតោខៀវ បានអះអាងថា ទាំងគ្រាប់បាល់របស់ Spurs មិនគួរផ្ដល់ជូនទេ។

Tuchel បានប៉ះទង្គិចជាមួយលោក Antonio Conte អ្នកចាត់ការ Spurs ជាច្រើនដង។ គ្រូបង្វឹកសញ្ជាតិអាល្លឺម៉ង់ បានរិះគន់ទៅលើអាជ្ញាកណ្តាល Anthony Taylor ចំពោះការសម្រេចចិត្ត៕

អត្ថបទទាក់ទង