×

Leeds បន្តភាពមិនចាញ់របស់ខ្លួននៅដើមរដូវកាល ជាមួយការលត់ Chelsea 3-0

Leeds United មិនស្គាល់ពាក្យថាចាញ់នៅដើមរដូវកាលថ្មីនេះ ខណៈពួកគេ ទទួលបានជ័យជម្នះលើ Chelsea របស់អ្នកចាត់ការ Thomas Tuchel ដែលទើបតែទទួលបាន 1 ពិន្ទុកាលពីប្រកួតមុន។

Chelsea ដែលបានចំណាយច្រើនជាង 170 លានផោនលើកីឡាករថ្មី នៅក្នុងទីផ្សារដោះដូរដើមរដូវកាលនេះ បានធ្វើឱ្យក្រុមម្ចាស់ផ្ទះនាំមុខចំនួន 2 គ្រាប់នៅវគ្គទីមួយ។

Edouard Mendy បានផ្តល់អំណោយដល់ Leeds ដែលសម្រេចទីដោយ Brenden Aaronson នៅនាទី 33 ។ 4 នាទីក្រោយមក Raheem Sterling បានផ្ដល់បាល់ហ្វ្រីឃីកនៅគែមប្រអប់ ដែលបង្កឱកាសសម្រាប់ Rodrigo ស៊ុតបញ្ចូលទី បន្ទាប់ពីការបញ្ជូនរបស់ Jack Harrison ។

Leeds បានធានាការឈ្នះលើ Chelsea ក្នុងក្របខណ្ឌ Premier League ជាលើកដំបូង តាំងពីឆ្នាំ 2002 នៅពេលដែល Harrison ស៊ុតបញ្ចូលទីបន្ទាប់ពីការបញ្ជូនរបស់ Daniel James ត្រូវបានប៉ះគាត់ដោយ Rodrigo នៅនាទី 69។

ខ្សែការពារចំណូលថ្មីរបស់ Chelsea កីឡាករ Kalidou Koulibaly ត្រូវបានបណ្តេញចេញពេលសល់ 6 នាទីក្នុងវគ្គទីពីរ ជាមួយនឹងកាតលឿងទីពីរស្មើនឹងកាតក្រហម។

Leeds ឈរនៅលេខ 3 ដោយមាន 7 ពិន្ទុក្នុង 3 ប្រកួត ខណៈ Chelsea បានបាត់បង់ 4 ពិន្ទុក្នុង 3 ប្រកួត ក្នុងការចាប់ផ្ដើមរដូវកាលថ្មីនេះ ដោយឈរនៅលេខ 12 ៕

អ្នកអាចចែករំលែកដោយ៖

អត្ថបទទាក់ទង